Потребно:
- 500 мл млеко
- 2 јајца
- Прстофат сол
- 125 мл вода
- 220 гр брашно
- 1 лажица масло
- 500 гр мелено месо
- 1 кромид
- 1/2 пиперка
- 1 чешне лук
За бешамел сосот:
- 30 гр путер
- 30 гр брашно
- 500 мл млеко
- 150 гр кашкавал
Подготовка: Изматете ги јајцата, па додадете го млекото, водата и солта. Потоа додадете го просеаното брашно и маслото и испржете ги палачинките како и обично. Во тава со малку масло пропржете го меленото месо, па додајте го ситно исечканиот кромид, пиперката и сечканиот лук. Зачинете по желба, промешајте и пржете додека не биде готово. Бешамелот направете го така што ќе го растопите путерот, па ќе го додадете брашното. Промешајте, па по една минута истурете го млекото. Гответе додека не се згусне со постојано мешање. Потоа додадете сол, бибер и посипете со морско оревче, па повторно измешајте. Во плех обложен со хартија за печење ставете една палачинка, па премачкајте со бешамел сосот. Одозгора ставете со меленото месо, па втора палачинка. Редете така додека не ги потрошите сите состојки. Последниот слој треба да биде бешамел сос и со него да се покрие целата солена торта. Посипете со рендан кашкавал. Печете на 190°C околу 20 минути. Добар апетит!
