Потребно:
- 500 г јагоди (може и замрзнати)
- 250 г обично брашно (околу 10 лажици)
- 2 јајца
- 200 г шеќер (околу 8 лажици)
- 2 ванилин шеќери
- 200 г павлака
- 120 мл масло (околу 8 лажици)
- 2 лажички прашок за печиво
- Прстофат сол
- Шеќер во прав за посипување (по желба)
Подготовка: Во сад, прво изматете ги јајцата, шеќерот и ванилиниот шеќер додека не добиете лесна и пенеста смеса. Потоа додадете го маслото и павлаката и добро измешајте сè додека состојките не се соединат. Во друг сад, измешајте го брашното, прашокот за печиво и прстофат сол, а потоа постепено додавајте ја оваа смеса во влажните состојки. Мешајте нежно додека не добиете мазно тесто без грутки. Обложете тава за печење со хартија за печење, а потоа истурете половина од подготвената смеса во неа. Наредете ги исечените јагоди врз тестото, а потоа прелијте ја остатокот од смесата врз нив. Наредете уште неколку јагоди одозгора. Печете го колачот во претходно загреана рерна на 175 °C приближно 35 до 45 минути, во зависност од јачината на рерната. По печењето, оставете го колачот целосно да се олади, а потоа по желба посипете го со шеќер во прав. Најдобро е кога ќе отстои неколку часа, бидејќи тогаш тестото ги впива соковите од јагодите и станува уште посочно. Добар апетит!
