Потребно:
Суви состојки:
- 2 шолји (2дцл) брашно
- 2 шолји гриз
- 1 прашок за печиво
- 1 шолја шеќер
- 1 ванилин шеќер
Состојки за фил:
- 1-1,5кг јаболки
- 1 ванилин шеќер
- Цимет
- 1/2 шолја шеќер
- 150гр путер
Подготовка: Брашното и прашокот за печиво просејте ги. Додадете го гризот и шеќерот. Се заедно измешајте и поделете на 3 еднакви дела. Јаболките изрендајте ги и помешајте ги со шеќерот, ванилниот шеќер и циметот. Разделете ги на два еднакви дела. Јаболките не се цедат, бидејчи нивниот сок ќе го натопи тестото и тоа ќе стане меко за време на печењето. Загрејте ја рерната на 180 степени. Садот за печење премачкајте го со путер или масло. Ставете го во тавата првиот слој од сувите состојки и израмнете со лажица. Врз него ставете ја едната половина од јаболките, додадете одозгора втор слој од сувите состојки, повторно израмнете со лажица и малку притиснете, па додадете го вториот дел на јаболки. Завршете со третиот слој од суви состојки. Се убаво притиснете. Путерот изрендајте го или исечете го на тенки листови и ставете го врз колачот. Печете во загреана рерна на 180 степени околу 45 минути.
