Потребно:
- 1 модар патлиџан (средна големина), исечен на коцки
- 250 г тестенини (пене, фузили, шпагети – по избор)
- 2-3 чешниња лук, ситно сечкани
- 400 гр домати од конзерва (или свежи, ситно сечкани)
- Маслиново масло
- Сол, бибер
- Малку шеќер (за балансирање на киселината)
- Свеж босилек (по желба)
- Рендан пармезан или рикота салата (по желба)
Подготовка: Излупете го модриот патлиџан, а потоа исечете го на коцки и посолете го. Оставете да отстои 20 минути да пушти горчина. Исплакнете ги и избришете со кујнска хартија. Пржете ги во малку маслиново масло додека станат златни и меки, па оставете ги настрана. Сварете ги тестенините според упатството на пакувањето. Зачувајте ½ чаша од водата во која се вареа. Во истото тавче, додадете уште малку масло и кратко пропржете го лукот. Додадете ги доматите, солта, биберот и малку шеќер. Оставете да се вари 10-15 минути, додека сосот се згусне. Додадете го испржениот модар патлиџан во сосот, па тестенините и малку од зачуваната вода за да се поврзат состојките. Добро измешајте. Сервирајте со свеж босилек и изрендан пармезан. Добар апетит!
