Потребно:
- 2 пакувања пишкоти
- 3 жолчки
- 150гр шеќер
- 500гр маскарпоне
- 1л слатка павлака
- 200гр бело чоколадо
- 200мл кафе (по ваш избор)
- 1 лажичка рум
- Чоколадо по прав
Подготовка: Земете мала количина од слатката павлака и ставете ја да загрее до зовривање. Белото чоколадо искршете го и ставете го во жешката павлака. Оставете да отстои 2-3 минути, па промешајте да се стопи. Оставете убаво да се олади. Жолчките убаво се матат со шеќерот, додека не добијат посветла боја. Потоа во нив се додава маскарпонето и се заедно се соединува. Кога смесата со чоколадо убаво е оладена, додадете ја во овој фил. Настрана изматете ја слатката павлака. Потоа, полека со мала брзина на миксерот изматената павлака додавајте ја во филот. Се заедно убаво соединете. Во кафето што претходно сте го направиле и оставиле малку да се олади, додадете го румот (може, но и не мора). Секоја пишкота буквално само провлечете ја во кафето и редете ја во садот предвиден за колачот. Врз наредените пишкоти наросете чоколадо во прав. Потоа ставете подебел слој од филот. Повторете ја постапката со пишкотите и пак ставете од филот. Колачот е најдобро да отстои преку ноќ во фрижидер. Пред послужување, повторно наросете одозгора чоколадо во прав.
