Потребно:
- 240 мл топло млеко
- 2 лажички инстант кафе
- 30-40 пишкоти
За филот:
- 400 гр маскарпоне
- 120 гр шеќер во прав
- 1 лажичка екстракт од ванила
- 100 гр крем од ф’стаци
- 360 мл слатка павлака
За декорација:
- Мелени ф’стаци
Подготовка: Доколку сте љубител на класичниот рецепт за тирамису, но сакате подготовката на овој десерт да ја подигнете на повисоко ниво, пробајте го рецептот за тирамису со ф’стаци. Истурете го млекото во мало тенџере и оставете го да зоврие. Ставете инстант кафе, само измешајте го во млекото и оставете го да се излади. Во поголем сад изматете го маскарпонето да омекне, додадете го шеќерот во прав и мешајте додека не се изедначи. Додадете екстракт од ванила, крем од ф’стаци и измешајте додека не се изедначи. Додадете ја павлаката и матете додека смесата не се стегне. Оставете го настрана. Секоја пишкота потопете ја во млеко, па наредете ја на дното од тавата. Половина од филот намачкајте го врз пишкотите. Потоа распорете уште еден слој натопени пишкоти. Премачкајте ги со преостанатиот фил. Ставете го десертот во фрижидер најмалку 4 часа или преку ноќ. Пред послужување, исечкајте малку ф’стаци и посипете ги врз тирамисуто. Добар апетит!
