Потребно:
За тестото:
- 750 гр брашно
- 250 гр путер
- 2 јајца
За филот:
- 200 гр шеќер
- 10 јаболка
- Цимет
- Каранфилче
- Морско оревче
И уште:
- 120 гр лебни трошки
- 2 жолчки
- Шеќер во прав
Подготовка: Измешајте ги брашното, путеотр и двете јајца и замесете мазно тесто и поделете го на два дела. Завиткајте го тестото во пластична фолија и оставете го во фрижидер, половина до еден час. Додека тестото е во фрижидер, излупете ги и изрендајте ги јаболката и оставете ги да пуштат сок. Првиот дел од тестото развлечете го и ставете го во плех и посипете го со половина од презлата. Јаболките исцедете ги, додајте зачини и шеќер. Промешајте го филот, па распоредете го по кората и посипете со преостанатиот дел од презлата. Остатокот од тестото развлечете го и со него покријте ги јаболките и нежно избоцкајте со вилушка. Питата премачкајте ја со изматените жолчки и ставете да се пече во рерна на 180 степени околу 45 минути. Пред сервирање посипете со шеќер во прав. Добар апетит!
