Потребно:
- 3 јајца
- 3 лажици кисела павлака
- 2 шолји брашно
- 1 рендана тиквица
- 2 лажички пармезан
- ½ лажичка ракија (за тестото да не впива маснотии при пржењето)
- 1 лажичка прашок за печиво
- Сол
- Зачини по желба
Подготовка: Излупете ја тиквичката, посолете и оставете да отстоји 20 минути, па потоа убаво исцедете ја. Најпрво во сад со жица изматете ги јајцата, пармезанот, солта и биберот. Во смесата додајте ја павлаката, исцедената тиквичка и сè изматете со жица за матење. На крај измешајте го брашното со прашокот за печиво. Изматете го тестото додека не стане компактно, без грутчиња, малку погусто од смеса за палачинки. Потоа со лажица земајте од тестото и ставајте да се пржат уштипците во врело масло и превртувајте ги додека не поруменат од двете страни. Добар апетит!
