Испробувањето нова храна со бебе е секогаш вистинска авантура, а единствена грижа на родителите би требало да биде документирањето на смешните и интересни изрази на лицето на детето. Но, во последните години, неколку студии тврделе дека во превенција на алергијата на храна, клучно е на децата што подоцна да им се дадат одредени намирници.
Неодамна, Американската педијатриска академија во резултатите од своето истражување, објави нови упатства за тоа што функционира, а што е непотребно во спречување на појавата на алергија на храна.
Препораката е децата што порано да се запознаат со високо алергената храна, како јаткасти плодови, риба и млеко. Раното воведување, подразбира детето да биде на возраст помеѓу 4 и 6 месеци.
Нема уверливи докази дека подоцното испробување на алергени намирници ќе спречи развивање на алергија на храна, се тврди во извештајот. Освен тоа, постојат силни докази за раното запознавање со јаткастите плодови, дури од 4. месец, дека може да спречи развивање на алергија кај бебињата.
“Нема причина зошто на бебето подоцна би му ја претставиле храната која се смета за алергена, како јајца, риба и јаткасти плодови. Таа храна може да се внесе во исхраната многу рано“, вели коавторот на истражувањето, д-р Скот Сишерер.
Гастроинтестиналниот систем содржи клетки на имуниот систем, а кога на тие клетки им се даваат алергени протеини во различна храна, тие ги користат тие протеини и стануваат толерантни на нив.
