Многу родители едвај чекаат да ги слушнат првите зборови на своето бебе. Дали тоа ќе биде „мама“? Или можеби „тато“? Или можеби „баба“? Истражување открило кои се првите зборови на бебињата ширум светот!
Првите зборови на детето се голема пресвртница во животот и возбудливо искуство за целото семејство. Бебињата можат да почнат да „брборат“ меѓу 8. и 12. недела. Во повеќето случаи, првиот збор се појавува околу првиот роденден на детето, што не значи дека кај некои деца првиот збор ќе се појави подоцна или дури и порано, под услов појавата на одредени фази во говорот на детето да ја следи нормалната рамка на развој.
Најчестите први гласови ги вклучуваат зборовите мама, тато и баба. Новинарите од порталот babysensemonitors спровеле истражување за првите зборови кои бебињата ги изговориле во 33 различни земји во светот.
Изненадување кај австралиските бебиња
Најпопуларниот прв збор на австралиските бебиња бил „џем“. Во повеќето други земји првите зборови биле претежно некоја верзија на мама или тато, но Австралија била една од четирите земји кои оделе по свој пат. Најпопуларен прв збор во Данска бил „здраво“, додека во Израел бил „автомобил“, а грчките бебиња најчесто го изговарале „јаија“, што е грчки збор за „баба“.
Тато или мама?
Најчестите први зборови изговорени ширум светот биле мама и тато. Бебињата во 12 од 33 анкетирани земји прво го научиле името на мајката, додека седум земји навеле дека прво се изговарало името на таткото. Вториот изговорен збор често бил другиот родител, освен во Мексико, каде што „водата“ била број два, а во Словачка „баба“. „Тато“ го зазеде третото место во двете споменати земји.
Бизарни први зборови
Истражувањето исто така ги разгледало и најуникатните први зборови во секоја земја. Во Австралија, зборот „земја“ бил најуникатниот прв изговорен збор. Некои други бизарни одговори биле „гуска“ во Канада и „пантер“ во Шпанија.
