Родителите играат клучна улога во развивањето на самодовербата кај децата. Низ секојдневните ситуации, малите постапки на родителите можат да им помогнат на децата да ги препознаат сопствените вредности и да станат посигурни во себе. Психологот и едукатор за родителство Џејми Блох, споделува три едноставни, но ефикасни совети за поттикнување на самодовербата кај децата.
Помогнете им на децата да ги препознаат своите достигнувања
„Наместо веднаш да ја пофалите работата на децата со зборови како „Браво, ова е одлично!“, прашајте ги како се чувствуваат за постигнатото. На пример, прашајте: „Како се чувствуваш поради својата слика? Кој дел ти е омилен?’ „Овој пристап им помага на децата да развијат внатрешно задоволство и да не се потпираат исклучиво на надворешна потврда“, објаснува Блох.
Користете ја техниката „внатрешен тренер“
„Поттикнете го детето да осмисли алтер его, како замислен „внатрешен тренер“, кој ќе го охрабрува во моменти на предизвици. Заедно, смислете име и фрази кои тој „тренер“ ќе ги кажува, како „Го можеш ти тоа! ‘ или „Не грижи се за грешките, од нив учиш и напредуваш“, советува психологот. Таа додава дека оваа техника може да им помогне на децата подобро да се справат со стресот и несигурноста.
Водете дневник за самодоверба
„Охрабрете ги децата да водат посебен дневник каде што ќе можат да ги запишат или нацртаат своите успеси и моменти со кои се гордеат. На пример, „Денес му помогнав на пријател со неговите книги“ или „Не се откажав од сложувалката и успеав сам да ја решам’.“ Прегледувањето на овој дневник може да им даде сила вп тешки моменти и да ги потсети на сопствената сила“, заклучува Блох.
