♦♦♦♦♦♦♦
Карантинот поради пандемијата на коронавирусот погоди многу семејства, вклучувајќи го и семејството на принцот Вилијам и Кејт Мидлтон. Три деца бараат многу внимание, а од досада некогаш и самите не знаат што да прават, па затоа едноставно се постојано гладни, а тоа и создава полни раце работа на војвотката од Кембриџ.
„Стомачињата на моите деца се како дупки без дно. Се чувствувам како машина за хранење која работи цело време“, се пошегува војвотката за време на гостувањето во емисијата „Појадок на Би-би-си“. Нејзиното појавување беше во рамките на новата образовна иницијатива на „Би-би-си“, наменета за млади семејства, а наречена „Tiny Happy People“, која им помага на родителите на деца под пет години и наоѓа одговори на прашањата што ги мачат.
„Во првите неколку месеци ја имате поддршката од медицинските сестри и другите. Но, тогаш настанува една огромна празнина се до моментот додека не тргнат на училиште“, рече Кејт и додаде дека би сакала и самата би сакала да добива слични информации кога првпат станала мајка.
Кејт раскажа и дека карантинската мерка најтешко му паднала на принцот Луис.
„Тој едноставно не разбира што точно значи социјална дистанца. Шета наоколу и сака да се гушка и да се мази со сите, особено со бебињата помали од него“, додаде војвотката.
