Ротавирусот е вид на инфекција која е вообичаена кај деца помлади од пет години. Вирусот се наоѓа во околината и затоа лесно се пренесува, изразено е заразна, а сезоната на инфекција трае и во текот на зимските месеци, иако може да се појави во било кој период од годината.
Според педијатрите, станува збор за вирус кој го зафаќа дигестивниот тракт и предизвикува карактеристична клиничка слика со повраќање, пролив, зголемена телесна температура.
Најзагрозени се доенчињата, но епидемиите се почести во градинките. До петта година, речиси 95 проценти од децата се инфицираат, а можно е да заболат и повеќе пати.
ПРЕНЕСУВАЊЕ – КОЈ Е ПОД НАЈГОЛЕМ РИЗИК ОД ЗАРАЗА?
Инфекцијата се пренесува преку воздух, со допир, делење на прибор за јадење со болно лице. Најважна превентива е миењето раце.
Бебињата и децата помали од три години имаат најголем ризик од оваа инфекција. Времето поминато во колектив исто така го зголемува ризикот. Ротавирусот е присутен во столицата на заразеното лице неколку дена пред да се појават симптомите и до 10 дена откако симптомите ќе се смират. Вирусот лесно се пренесува преку раце и уста, дури и кога заразеното лице нема симптоми.
Вирусот останува на површината и до неколку недели откако заразеното лице го допирало предметите. Затоа е исклучително важно редовно да се дезинфицираат сите вообичаени површини во домот, особено ако некој во семејството има ротавирус. Поради тоа што постојат многу видови на ротавирус, можно е да се биде заразен и повеќе од еднаш.
СИМПТОМИ
Симптомите на ротавирус најистакнати се кај децата. Според Мајо клиниката, симптомите може да се појават два дена откако детето биле изложено на вирусот. Најчести симптоми се сериозен пролив, но симптомите исто така вклучуваат и:
- Повраќање
- Црна столица
- Крв во столицата
- Сериозен замор
- Иритација
- Болка во стомакот
- Дехидрација
Дехидрацијата претставува најголема грижа кај децата. Малите деца се повеќе чувствителни на губењето електролити преку повраќањето и проливот, оти имаат помала телесна тежина.
Потребно е внимателно да се следи детето поради симптомите на дехидрација, како:
- Суви и испукани усни
- Бледа и студена кожа
- Зголемена жед
- Недостаток на солзи при плачење
- Вдлабнати очи
- Намалена честота на мокрење (урината е со потемна боја и може да има непријатен мирис)
