Сте одлучиле дека сте подготвени за дете. Но, дали вашето тело е подготвено?
Ова се пет знаци кои покажуваат дека е најдобро време за обид за забременување, токму сега!
- Знак 1 – засилен осет за мирис
Ви пречи мирисот на вашиот парнер откако ќе заврши со вежбање, повеќе од вообичаено? Неодамнешно истражување открило дека женскиот осет за мирис се изоштрува кога е време на овулација. Во плодна фаза ги привлекува машкиот феромон – андростерон.
- Знак 2 – цервикалната слуз е со променета конзистенција
Кога не овулирате, исцедокот може да биде леплив, заматен или дури може целосно да изостане, но како се ближите кон овулација, телото произведува повеќе естриген, поради што цервикалната слуз станува растеглива и бистра, како белка, Наведената промена на конзистенцијата е добар индикатор дека сте на врв на плодноста.
- Знак 3- се чувствувате и изгледате привлечено
Во времето кога овулирате, ќе забележите дека усните се пополни благодарение на зголеменото ниво на естроген, зениците се проширени и кожата е помека. Резултати од некои истражувања покажале дека жените кои се во стадиум на овулација им се попривлечени на мажите.
- Знак 4 – променета плунка
Можеби ви изгледа чудно, но за време на овулација, во плунката може да се види феномен на папрати или нејзина кристализација. Тоа е знак дека телото изобилува со лутеинизирачки хормони, што се случува непосредно пред овулацијата. Тоа најдобро се гледа под микроскоп.
- Знак 5 – чувствителност на градите
Секој месец доаѓа период кога градите и брадавиците се чувствително поради хормоните во телото пред и по овулацијата. Непријатното чувство во дојките што го предизвикуваат хормоните и е поврзан со циклусот, познато е и како циклична масталгија.
