За вашиот иден ученик самостојно да ја подготвува својата ужина, навреме да ги пишува домашните задачи и да учествува во домашните работи без да приговара, важно е детето да се учи на организирано однесување од мали нозе. Педијатарот Дејмон Корб зборува за тоа како кај децата да се поттикнат организациски вештини.
- Бидете доследни
На децата им требаат рутини за да напредуваат, а доследноста ќе ви олесни во тоа. Кога детето плаче и вие го тешите, тој ќе го сфати образецот на причина и последица. Како што расте детето, научете го секогаш да ги мие рацете пред јадење, а чинијата да ја става во машина за миење садови после јадење. Кога ќе стане тинејџер, хормоните ќе го натераат вашето дете да се однесува недоследно, па затоа претходните ритуали ќе бидат особено корисни тогаш.
- Држете се до ред
Можеби вашето малечко сè уште не го знае часовникот, но вие можете да му помогнете подобро да ја разбере идејата за времето и термините како порано, за време и потоа. Ако кажете дека нешто ќе се случи за пет минути, не правете го тоа за дваесет затоа што го нарушувате поимот за време на детето. Исто така, научете го дека активностите имаат почеток, средина и крај. Детето ја зема играчката, си игра и на крајот ја враќа на своето место.
- Се си има свое место
Детето нека знае кои места во куќата се наменети за јадење, читање, играње итн. Организирајте ги детските играчки по категории, направете место за плишани играчки, топки, автомобили, коцки за детето да може полесно да се снајде.
- Вежбајте планирање однапред
Децата кои имаат добри организациски вештини учат од своите грешки полесно од другите бидејќи можат да го разберат концептот на очекувањата. Вежбајте планирање и прашајте го вашето дете што мисли, колку време ви е потребно да стигнете до куќата на баба, колку од неговите омилени песни можете да пеете? Можете исто така да предложите да одите на некое место и да прашате што се ви треба за тами, па да го поттикнете детето однапред да се спакува.
