Меѓународен тим на научници ја истражува врската помеѓу инфекцијата со вирусот SARS-CoV-2 и појавата на дијабетес. Научниците сметаат дека инфекцијата со коронавирус може да поттикне развој на дијабетес. Воспоставен е глобален регистар за следење на овој проблем, пренесува „Њу Атлас“.
„Веруваме дека постои меѓусебна врска помеѓу коронавирусот и појава на дијабетес бидејќи вирусот може да предизвика неправилен метаболизам на шеќерот во организмот“, вели д-р Франческо Рубино од Кралскиот колеџ во Лондон, кој го формираше проектот CoviDiab – глобален регистар на докторски извештаи за пациенти кои развиле дијабетес по инфекција со коронавирус
За коронавирусот е веќе познато дека ги оштетува срцето, белите дробови, мозокот, црниот дроб и бубрезите, а луѓето кои веќе имаат некои претходни коморбидитети се потешко погодени од инфекцијата со коронавирус.
Луѓето кои се дебели, или кои веќе страдаат од дијабетес или срцеви заболувања, имаат потешки симптоми на болеста, а некои лекари почнаа да забележуваат зголемување на случаите на дијабетес по инфекцијата со вирусот SARS-CoV-2. Така, некои здрави пациенти, по инфекцијата развиваат симптоми на дијабетес, пренесува РТЛ.
На почетокот на 2020 година, д-р Франческо Рубино од Кралскиот колеџ во Лондон започна да забележува се повеќе случаи на дијабетес кај луѓе со Ковид-19. Рубино, со помош на други научници, го формираше проектот CoviDiab – глобален регистар на докторски извештаи за пациенти кои развиле дијабетес по инфекција со коронавирус.
Од почетокот на регистарот, има се повеќе докази за поврзаност помеѓу Ковид-19 и појава на дијабетес. Со преглед и анализа на регистарот на крајот на 2020 година објавени се податоци од осум студии спроведени на 3.700 пациенти, и се откриени 492 нови случаи на дијабетес.
„Веруваме дека постои меѓусебна врска помеѓу коронавирусот и појава на дијабетес бидејќи вирусот може да предизвика неправилен метаболизам на шеќерот во организмот“, изјави Рубино за „Гардијан“.
Понатамошните истражувања дополнително ќе ја утврдат врската помеѓу вирусот и дијабетесот, но дефинитивно се смета дека постои причинско-последична врска, особено кај луѓето кои се посклони кон дијабетес.
