SARS-CoV-2 едноставно ја користи можноста што му се укажала со ублажување на мерките. Луѓето низ целиот свет, а особено помладите, се вратија на старите обичаи, отфрлајќи ги маските и препораките за физичко растојание
Летото не го донесе очекуваното затишје, напротив има се повеќе и повеќе случаи на заболени од Ковид-19 па и во земјите што мислеа дека ја ставиле состојбата под контрола или се прогласиле за корона-слободни држави.
Во соседството се откриени жаришта во клубовите каде што се собираат млади луѓе, а овој тренд се забележува и во други земји. Како што пишува „Елементал“, и во САД има се повеќе и повеќе заболени лица под 50-годишна возраст, особено меѓу тинејџерите и младите полнолетни лица.
„Порастот на бројот на млади пренесувачи на вирусот најверојатно на почеток ќе предизвика пад на стапката на морталитет“, претпоставува д-р Томас Цаи, хирург и експерт за јавно здравје во Женската болница во Бостон. „Но, зголемувањето на бројот на заразени лица може на крајот да доведе до зголемување на пандемијата и повторно зголемување на смртноста“.
„Трендот е очигледен. Додека во март дури 82% од хоспитализираните во Њујорк беа над 45 години, сега секој втор хоспитализиран во Далас е помлад од 50 години“, вели Скот Готлиб, поранешен комесар на Управата за храна и лекови на САД.
Што се случува? Во споредба со другите вируси, коронавирусот е особено итар. Се шири лесно, претежно преку контакт, па дури и преку воздух, особено во затворен простор. Иако може да биде смртоносен за која било возрасна група, многу, а особено помладите луѓе, покажуваат само благи симптоми или воопшто немаат симптоми.
„Младите често мислат дека ништо страшно не може да им се случи“, вели Глен Фенели, професор по педијатрија и микробиологија на Универзитетот Рутџерс. „Затоа тие не се грижат за физичкото дистанцирање и не носат маски“
На тој начин, вирусот се пренесува од човек на човек, понекогаш предизвикувајќи десетици инфекции од еден настан, а понекогаш поминуваат денови или дури неколку недели пред да сфатиме што се случило.
Истражувачите сметаат дека вирусот сам по себе не мутира на каков било начин. SARS-CoV-2 едноставно ја користи можноста што му се укажала со ублажување на мерките. Луѓето низ целиот свет, а особено помладите, се вратија на старите обичаи, отфрлајќи ги маските и препораките за физичко растојание.
„Постојат три причини зошто помладите луѓе се разболуваат повеќе од постарите“, вели Натали Дин, епидемиолог и биостатистичар на Универзитетот во Флорида. „Како прво, постарите лица се повнимателни. Второ, младите се помалку претпазливи. И трето, пошироките испитувања опфаќаат поблаги и асимптоматски случаи во кои се вклучени сè помлади лица. Со сериозно ограничување на можностите за тестирање во првите месеци на пандемијата, често се тестирани само лица со тешки случаи. Станува збор за комбинација од сите три објаснувања“.
Секое од овие сценарија има различни последици на ширење на вирусот, објаснува Дин. На пример, ако младите станат помалку претпазливи, тогаш и повеќе од нив ќе се соочат со потешки последици, вклучително и смрт. А инфекцијата лесно ќе се прошири на ранливата популација.
COVID-19: Во земјава досега се пријавени 280 деца на возраст од 0-9 години и 284 случаи од 10 до 19 годиниОд регистрирањето на првиот заболен со коронавирус, па заклучно со 28 јуни годинава во Институтот за јавно здравје се пријавени вкупно 6.208 случаи на Ковид-19. Возраста на заболените се движи од 0 до 97 години (просек – 44,4 години). Најголем број на заболени се на возраст над 60 години – 1.386 (22,3%) со инциденца од 361,6/100.000, а највисока специфична инциденца од 422,9/100.000 се регистрира на возрасната група од 50-59 години (1.176 заболени). Најниска инциденца од 122,3 и 113,5 на 100.000 жители се регистрира кај деца на возраст од 0-9 и 10-19 години, каде се пријавени 280 и 284 случаи соодветно
„Младите често мислат дека ништо страшно не може да им се случи“, вели Глен Фенели, професор по педијатрија и микробиологија на Универзитетот Рутџерс. „Затоа тие не се грижат за физичкото дистанцирање и не носат маски“.
Многу научници се загрижени за потенцијалното поклопување на порастот на бројот на заразени лица меѓу младите, понекогаш асимптоматски, но заразни луѓе, и почетокот на сезоната на грип. Ова може потенцијално да ги преоптовари болниците.
