Десетгодишници кои не знаат сами да си подготват појадок или да изберат што да облечат за на училиште, деца без никакви задачи и обврски, деца кои не се самостојни во пишувањето на домашната задача… Дали децата денес се помалку способни отколку што сме биле ние или родителите прават премногу за своите деца, па немале кога и како да научат?
И самите родители станаа свесни за тоа, па движењето што се шири преку социјалните мрежи се нарекува „мрзеливо родителство“, во кое родителите се охрабруваат да прават помалку за своите деца и да ги вклучат во дел од нивните секојдневни обврски.
Родителите го поддржуваат овој тренд бидејќи и самите гледаат дека отишле предалеку. Тие работат двојно повеќе, а децата работат двојно помалку. Дојдено е до тоа да децата не успеваат да стекнат вештини кои се нормални за нивната возраст. Не се снаодливи, не се одлучни и некреативни. А сега е време да „не“ се претвори во „да“.
„Мрзеливото родителство има негативна конотација, но тоа е нешто сосема спротивно“, објаснува една мајка на социјалните мрежи, воедно и една од зачетниците на мрзеливото родителство – тоа им помага на нашите деца да изградат самодоверба, независност и да станат поодговорни.
Сè започна мајка во едно семејство со 15-годишно момче се пожалила дека тој попрво би го прескокнал појадокот отколку сам да си го подготви. Не знае да го направи, не знае дури ниту печиво да пресече на два дела. Мајката се пожали дека би сакала нејзиниот син да биде понезависен и да прави некои работи сам.
„На сите кои се нашле во ваква ситуација им давам дозвола да бидат мрзливи, да не ги извшуваат работите наместо своите деца. Колку помалку правите, толку повеќе вашето дете ќе треба да само да прави“ – порачува оваа мајка на социјалните мрежи.
Дали навистина е време да се промени нешто? Многу психолози се согласуваат дека е време, затоа што насекаде гледаат деца кои се целосно способни да направат нешто сами, а сепак нивните родители го прават тоа наместо нив.
„Родителите не мислат ништо лошо. Тоа го прават од љубов, сакаат да им олеснат на децата. Понекогаш нивната интервенција значи помалку неред, што им е далеку полесно, но не е секогаш правилно. На децата им ги краде основните животни вештини“, истакнуваат психолозите.
Тие исто така предупредуваат дека промената не може да се случи преку ноќ, особено ако имате тинејџер кој не може да си направи сендвич. Односно, детето нема така лесно да премине од целосна зависност во независност.
Психолозите посочуваат колку е важна поддршката од родителите кои исто така треба да научат, пред се како да се префрлат од режимот на родител кој сака се да поправи во режимот на родител кој ќе биде единствената поддршка за нивното дете.
„Мора да бидете емотивно достапни за вашите деца, но не нужно и физички. Треба да ги предизвикате да совладаат нешто што сè уште не успеале и да излезат од нивната комфорна зона, да се соочат со проблеми и стравови. Секако, кога ќе видите дека детето се бори со нешто што е далеку над неговите вештини, тогаш е време да скокнете и да помогнете, и со совет и со акција – препорачуваат експертите.
