◊◊◊◊◊◊◊
Демне опасност од проширување на новиот коронавирус чиј извор е градот Вухан, провинција Хубеи во Кина, предупреди Светската здравствена организација.
Хронолошки гледано, кинеските здравствени власти на 31 декември 2019 година, пријавиле до СЗО кластер на случаи на пневмонија од непознато потекло. „Вкупниот број на заболени поврзани со овој кластер достигна до 59 случаи на заболување од кои 7 со потешка клиничка слика и еден смртен случај. Заедничка за сите случаи е изложеноста на пазарот на морска храна во Вухан (трговија на големо, пазар на морска храна и живи животни). Заболените имале симптоми на висока температура, треска и тешкотии во дишењето, со радиолошки тест компатибилен со обострани лезии на белите дробови. Според кинеските власти, до овој момент не може да се документира ниту еден случај на пренос на оваа инфекција од човек на човек“, пренесува Институтот за јавно здравје на својата веб-страница.
Јавно-здравствените власти во Тајланд завчера го пријавиле и првиот случај на потврдена инфекција со новиот коронавирус – nCoV надвор од Кина, кај лице кое развило симптоматологија и е хоспитализирано по враќање од Вухан (епидемиолошки поврзано со кластерот во Кина).
Вообичаените знаци на инфекција вклучуваат респираторни симптоми – треска, кашлица и тешкотии во дишењето. Во потешките случаи, инфекцијата може да предизвика пневмонија, тежок акутен респираторен синдром, откажување на бубрезите, па дури и смрт. Не постои специфичен третман за заболување предизвикано од нов коронавирус
Нема специфичен третман за новиот вирус. „Прелиминарните истражувања сугерираа на вирусна пневмонија, понатамошните тестирања детектираа и потврдија дека се работи за нов коронавирус, а дополнителните истражувања за генетско секвенционирање на изолираните вируси од овие пациенти дадоа позитивен резултат, така што сега е официјално потврдено дека Вухан-вирусот е дел од родот бета-коронавируси, подрод Sarbecovirus. Wuhan-CoV се чини дека во 89% е сличен на коронавирусите кај лилјаци, најслични со САРС вирусите во споменатиот подрод“, објаснуваат од ИЈЗ.
Не може да се исклучи можноста дека новиот вирус во централна Кина може да се шири меѓу луѓето, иако ризикот од пренесување во моментот се чини дека е мал, соопштија вчера кинеските здравствени власти. „Заканата за пренесување од човек на човек останува мала“, изјави Чуанг Шук-кван, објаснувајќи дека стотици луѓе, вклучително и медицински професионалци, биле во близок контакт со заразени лица и не се заразени самите. Таа го повтори тврдењето на властите во Вухан дека нема дефинитивен доказ за пренесување на вирусот од човек на човек
Состојбата редовно се следи од страна на СЗО и Европскиот центар за контрола на болести (ЕЦДЦ) и новите информации се споделуваат во реално време, велат од ИЈЗ. Стручните тимови од ИЈЗ – Секторот за контрола и превенција на заразни заболувања и Лабораторијата за вирусологија и молекуларна дијагностика (ЛВМД) ги следат внимателно настаните преку информации на споменатите референтни институции.
ИЈЗ во континуитет ги следи новините и препораките на СЗО и во сезоната на грип врши дијагностика на соодветен материјал од пациентите со Сериозна Акутна Ресипираторна Инфекција (САРИ – систем за следење) во ЛВМД, кој се тестира на инфлуенца и широка палета на други вирусни причинители, вклучително и на Коронавирус ХКУ1, Коронавирус ОЦ43, Коронавирус 229E, Коронавирус НЛ63. Исто така, постојат капацитети и за детекција на МЕРС коронавирусот.
СЗО не препорачува какви било специфични мерки за патниците. Во случај на појава на симптоми кои сугерираат респираторно заболување, било во тек или после патувањето, патниците се советуваат да побараат медицинска помош и да споделат информација за патувањето со здравствениот работник.
ИНСТИТУТ ЗА ЈАВНО ЗДРАВЈЕ: Што претставуваат коронавирусите
Коронавирусите (CoV) се големо семејство на вируси кои предизвикуваат болести кои се движат од обична настинка до потешки заболувања, како што се Блискоисточен респираторен синдром (MERS-CoV) и Тежок акутен респираторен синдром (SARS-CoV). „Нов коронавирус“ е нов вид на коронавирус што претходно не бил идентификуван кај луѓето.
Постојат четири главни подгрупи на коронавируси. Вообичаените хумани коронавируси од кои луѓето најчесто заболуваат се: Coronavirus 229E, NL63, OC43 и HKU1. Понекогаш, анималните коронавирус (присутни кај животните) можат да еволуираат и да ја прескокнат бариерата животно-човек, односно да се пренесат кај луѓето. Три неодамнешни примери за тоа се новиот Коронавирус 2019 (nCoV), SARS-CoV и MERS-CoV.
Не постои специфичен третман за заболување предизвикано од нов коронавирус, слично како за најголем број од вирусите. Сепак, многу од симптомите можат да бидат третирани и затоа третманот треба да е врз основа на клиничката состојба на пациентот
SARS-CoV е за прв пат дијагностициран во ноември, 2002 година во Кина. Предизвика епидемија во периодот 2002-2003 во повеќе земји во светот, со вкупно 8.098 заболени и 774 смртни случаи. По 2004 година не е забележан хуман случај на SARS-CoV.
MERS-CoV е за прв пат пријавен во 2012 година во Саудиска Арабија. Од тогаш се детектирани случаи во многу земји во светот, сите поврзани на некој начин со Арабискиот полуостров, кој останува најзасегнат од ова заболување до денешен ден.
Коронавирусите се зоонози, што значи дека тие се пренесуваат помеѓу животните и луѓето. Деталните истражувања откриле дека кај луѓето инфекциите со SARS-CoV се пренесуваат од некои видови на мачки, а MERS-CoV од двогрби камили.
Неколку познати коронавируси кружат меѓу животните, но сè уште не се детектирани кај луѓето. Како што се подобрува надзорот над заразните заболувања низ целиот свет, веројатно ќе бидат идентификувани се повеќе коронавируси. Некои коронавируси можат да се пренесат од човек на човек, обично по близок контакт со заразен пациент, на пример, на работно место, во семејството или во болница. Вообичаените знаци на инфекција вклучуваат респираторни симптоми – треска, кашлица и тешкотии во дишењето. Во потешките случаи, инфекцијата може да предизвика пневмонија, тежок акутен респираторен синдром, откажување на бубрезите, па дури и смрт.
Не постои специфичен третман за заболување предизвикано од нов коронавирус, слично како за најголем број од вирусите. Сепак, многу од симптомите можат да бидат третирани и затоа третманот треба да е врз основа на клиничката состојба на пациентот. Покрај тоа, адекватната нега на заболените лица може да биде многу ефикасна.
Препораки за спречување на ширење на инфекцијата
-
Стандардните препораки за спречување на ширење на инфекцијата вклучуваат редовно миење на рацете, покривање на устата и носот при кашлање и кивање, темелно готвење на месо и јајца, избегнување близок контакт со секој што покажува симптоми на респираторно заболување, како што се кашлање и кивање.
-
Бидејќи здравствените работници доаѓаат во контакт со пациенти почесто отколку што е тоа случај со општата популација, СЗО препорачува здравствените работници постојано и доследно да применуваат соодветни мерки за превенција и контрола на инфекција.
-
Нема достапна вакцина за коронавирусите.
Извор:
www.who.int/health-topics/coronavirus
www.cdc.gov/coronavirus/types.html
