Ново предупредување за хепатитис кај децата беше издадено од Американскиот центар за контрола и превенција на болести (ЦДЦ) во средата, кажувајќи им на лекарите да земат примероци од црниот дроб од најтешко болните пациенти – откако пет деца починаа од болеста во САД, а на 15 им беше потребна трансплантација на црн дроб.
Препораката доаѓа во време кога научниците се уште не ја знаат причината за мистериозната болест, а аденовирусот, кој може да предизвика обична настинка, моментално е главен осомничен.
Научниците се уште се збунети што ја предизвикува епидемијата, но водечката теорија е дека таа е активирана од аденовирус, на кој повеќето, но не сите пациенти биле позитивни
Во своето второ предупредување за три недели, ЦДЦ им препорача на лекарите да ја прошират потрагата по инфекција со аденовирус со земање примероци од органот „ако е достапен“, како и собирање примероци од столицата, грлото и крвта за да се тестираат за аденовирус.
Претходно, ЦДЦ препорачуваше земање примерок на само еден од нив – со исклучок на црниот дроб – за да се скенира за малку познатиот вирус.
Во почетокот на неделава Хаваи и Масачусетс станаа 25-та и 26-та држава кои објавија сомнителни мистериозни случаи на хепатитис кај децата. САД во моментов имаат повеќе од 100 сомнителни или потврдени случаи и најголем број на смртни случаи во светот, зад Индонезија која пријави три смртни случаи.
Скоро 300 мистериозни случаи на хепатитис се забележани кај деца ширум светот до денес, од кои повеќето се во Велика Британија (160) и САД.
Научниците се уште се збунети што ја предизвикува епидемијата, но водечката теорија е дека таа е активирана од аденовирус, на кој повеќето, но не сите пациенти биле позитивни.
Други хипотези што се истражуваат вклучуваат дека заклучувањата поради пандемијата го ослабнале имунитетот на децата или дека може да биде виновна претходна инфекција со Ковид или дури и изложеност на куче – домашно милениче.
Во своето ажурирање наменето за лекарите ЦДЦ соопшти дека бара „каква било врска“ помеѓу аденовирусните инфекции и хепатитисот. Но, исто така се додава и дека не се исклучени и други причини за болеста.
Покрај аденовирусот, други хипотези што се истражуваат вклучуваат дека заклучувањата поради пандемијата го ослабнале имунитетот на децата или дека може да биде виновна претходна инфекција со Ковид или дури и изложеност на куче – домашно милениче
Случаите што се истражуваат ги вклучуваат оние кои датираат од октомври 2021 година, заедно со оние што се новоидентификувани.
На прес-конференција минатата недела, заменик-директорот на ЦДЦ за заразни болести, д-р Џеј Батлер рече дека повеќето од децата „целосно закрепнале“ по болеста. Тој рече дека научниците сè уште истражуваат случаи за да ја утврдат причината, но дека аденовирусите се „на врвот на листата“.
Сепак, Батлер додаде дека не е јасно дали само аденовирусната инфекција ја предизвикува болеста или дали е поврзана со имунолошка реакција на одреден сој или нешто на што децата биле изложени.
Тој, сепак, нагласи дека ЦДЦ не бележи значително поголем број случаи на хепатитис кај деца отколку што се очекувало за овој период од годината.
Минатата недела Светската здравствена организација соопшти дека истражува 50 можни причини за болеста. Пожолтување на кожата и белките на очите – е најчест знак на хепатитис, проследено со повраќање и бледа столица, пишува „Дејли мејл“.
