Еднаш кога жената ќе почне да дои, го предава своето тело на бебето со надеж дека се ќе помине во најдобар ред. Притоа, едно е сигурно – секоја жена поминува низ цела низа урнебесни моменти. Доколку сте мајка која дои или пак, доењето било дел од вашиот живот, во продолжение ви претставуваме седум ситуации во кои ќе се препознае секоја доилка. Тоа се оние ситуации во кои не знаеме дали да се смееме или да плачеме.
Мајка која дои повеќе не размислува за тоа кој градник под која маица и стои најдобро или како ѝ стои одредена блуза. Таа има тенденција да избира облека што ќе ја соблече најбрзо кога ќе дојде време за доење
- Вашите гради се со различна големина
Многу жени имаат различна големина на гради, но кога ќе почнете да доите, разликата станува уште поочигледна. Понекогаш бебето ја фаворизира едната града, па едната ќе се полни побрзо од другата. Во основа, големината на градите ќе варира за време на доењето. Некогаш резултатот ќе биде изедначен, некогаш едната ќе биде поголема, а некогаш другата. Не ви преостанува ништо друго освен добро да се насмеете на моменталната ситуација.
- Зелката како спас
Ако добиете совет да си помогнете во борбата против маститисот со листови зелка, нема да го преиспитувате ниту за секунда. Зелката спасува.
- Важно е да носите облека која лесно се трга од градите
Мајка која дои повеќе не размислува за тоа кој градник под која маица и стои најдобро или како ѝ стои одредена блуза. Таа има тенденција да избира облека што ќе ја соблече најбрзо кога ќе дојде време за доење.
- Протекување на млекото може да се случи во секое време и секаде
Ова е една од ситуациите со кои се соочуваат многу мајки кои дојат. Можеби ќе седите во ресторан на вечера, а вашите гради ќе ви приредат изненадување. Не е важно, и тоа е ситуација која треба да ве забавува и ништо друго. Ако се плашите од протекување, мајките кои го доживеале ве советуваат да носите потемна облека.
- Во одреден момент бебето почнува да гриза
Ако сте доеле, голема е веројатноста дека барем малку сте врескале од болка првиот пат кога бебето ве каснало. Иако по некое време градите се стврднуваат, тоа не значи дека не болат каснувањата на бебето. Можеби некој ќе ви каже дека треба да престанете да доите кога на вашето бебе ќе му никнат заби, но тоа не е точно. Престанувате да доите кога вие ќе одлучите, со надеж дека бебето нема да грицка премногу.
- На апетитот му нема крај
Никој не го разбира постојаниот глад подобро од мајката што дои. Добро, можеби трудниците разбираат. Во секој случај, доењето согорува многу калории, па затоа големиот апетит не треба да прави никакви проблеми.
- Кога бебето сака да цица не бира ни време ни место
Можеби имате други планови, но ако бебето одлучило дека сака да јаде, нема да размислува каде сте, туку ќе се потруди да дојде до млекото.
