Во зависност од тоа кога ја добила првата менструација, жената може да биде под зголемен ризик од некои болести. Но, тоа никако не значи дека нејзиното здравје е веќе предодредено. Здравиот начин на живот (телесна активност, одржување здрава телесна тежина и здрава исхрана) може многу да го намали ризикот од заболувања.
Сепак, добро е да се знае што првата менструација кажува за здравјето и на што треба да внимавате:
Здравјето на срцето
Според резултатите од една студија во која учествувале повеќе од еден милион испитаници, жените кои првата менструација ја добиле на 13 години имаат помал ризик од срцеви болести, мозочен удар и висок крвен притисок. Жените кои првата менструација ја добиле многу рано (на 10 години) или многу доцна (на 17 години) се под најголем ризик од наведените здравствени проблеми.
Дијабетес
Жените кои првата менструација ја добиле пред 12 година, се под поголем ризик дека ќе заболат од дијабетес отколку жените кои добиле подоцна. Ова е резултат од анкета спроведена на 4600 жени во средни години. Раната менструација го зголемува ризикот од дијабетес бидејќи се зголемува отпорноста на инсулин.
Прееклампсија
Ова пореметување во бременоста карактеризира висок крвен притисок и појава на протеини во урината за време на бременоста. Подоцна може да претставува ризик фактор за мозочен удар. Кај жените кои менструација добиле пред 12. година можноста за оваа состојба е за 28% поголема, отколку кај жените кои добиле менструација подоцна.
Ризик од карцином
Раната менструација го зголемува ризикот од заболување од рак на матката или дојките подоцна во животот, бидејќи жената е подолго време изложена на влијанието на естроген, во однос на жените кои подоцна добиле менструација.
Штитна жлезда
Во една француска студија биле споредувани податоци добиени од 600 жени на кои ракот на штитната жлезда им бил дијагностициран пред 3.5 година со податоците на 600 здрави жени. Заклучокот бил дека кај жените кои месечниот циклус го добиле порано постои поголем ризик од заболување на рак на штитната жлезда.
Густина во коските
Кај жените кои менструација добиле многу доцна постои поголем ризик од помала густина во коските, што значи и поголема можност за развој на остопороза и кршење на коските.
Гинеколошка состојба
Раната и доцна појава на првата менструација обично е пврзана со пореметувања на менструалниот циклус понатаму во живототт, а тоа предизвикува и други проблеми, најчесто поврзани со бременоста и менопаузата. Денес честа појава се полицистични јајчници, кои освен пореметување на менструалниот циклус, влијаат и на пореметувања на бројни метаболички промени со разни манифестации и последици, вели д-р Латин.
