Проблемите со возбудата, оргазмот и задоволство по 36. недела од бременоста, ги искусиле 92 проценти од трудниците, открило истражување. Во третото тромесечје телото влагува во фаза опуштање, а често се намалува и сексуалниот нагон.
Без разлика на тоа каков сексуален живот вообичаено имал парот, постојат некои работи на кои сите треба да обрнат внимание, поврзано за сексот во бременоста:
НЕ: Ако е во прашање високоризична бременост
Д-р Хилда Хатчерсон набројува некои ризични состојби при кои не се советуваат сексуални односи:
- Плацента превија (заседната постелка)
- Проблем со скратен цервикс
- По шиење на грлото на матката
- Прееклампсија
ДА: Поставете го сексот како приоритет ако можете да го практикувате
Благодарение на хормонот окситоцин кој кај жените се излачува за време на оргазамот, сексот е добар за намалување на стресот и анксиозноста. Сексот истовремено ја засилува врската со партнерот пред раѓањето на детето, со оглед дека многу истражувања покажале дека во првите години од животот на детето, родителите се под голем стрес, што се одразува и на сексуалниот живот, објаснува психологот, д-р Ерика Марченд.
ДА: Испробување различни положби
Треба да се искористи периодот во првото тромесечје додека стомакот е уште мал и сите положби се дозволени. По 16. Недела кога се зголемува матката, некои положби во сексот, како мисионерската поза, повеќе не е добра идеја.
“Сексот на грб може да го притисне големиот крвен сад зад матката кој се нарекува шуплива вена (вена cava) и да го спречи враќањето на крвта во срцето. Трудницата тогаш може да чувствува вртоглавица или како да и паднал притисокот“, објаснува д-р Алисја Двек, гинеколог во болница во Њујорк.
ДА: Избор на вистински лубрикант
Некој парови користат помагала за време на сексот, а најчест е лубрикантот. Благодарение на зголемената активност на хормоните за време на бременоста, кај жените се појавува зголемен вагинален исцедок и нема да има потреба од дополнителен лубрикант. Но, ако парот се одлучи за лубрикант, треба да избере таков кој е на основа на вода и да избегнува лубриканти кои се на база на петролеј или минерални масла, кои може да ја променат пХ вредноста на вагината.
ДА: Испробување други форми на интимност
Ако не сте расположени за секс, постојат и други форми на интимни односи како што се бакнување, галење, мастурбација …
