Дали смее да се води љубов за време на бременоста е едно од најчесто поставуваните прашања кај новите трудници. Одговорот во принцип е да, доколку во бременоста немате никакви компликациии и ако гинекологот не рекол поинаку. Исто така, сексот и бременост секогаш била чувствителна тема меѓу бројни парови, а правилото всушност е едноставно – следете ги своите желби и разговарајте за тоа.
Секогаш постои „НО„
Сексот во бременоста може да биде многу добар, а освен тоа може да ги одржувате сексуалните односи до самиот крај на бременоста, ако и на вам и на партнерот ви е удобно. И да, смеете да имате оргазам.
Секако, секогаш постои „но„. Никако не се впуштајте во сексуални односи ако сте имале проблеми со крварење, предвремени контракции или доколку вие или вашиот партнер имате проблеми со полово преносливи болести. Задолжително разговарајте со својот гинеколог околку тие поединости. Доколку ви каже „нема секс„, тогаш потрудете се да дознаете што точно со тоа мисли – без оргазам, без пенетрација?
Колку долго?
На пример, доколку во првите три месеци се јавило крварење, тогаш е нормално гинекологот да ви каже дека не смее да има пенетрација, ниту оргазам, една недела по последното крварење. Сексот за време на бременоста е можен, па дури и пожелен, но внимавајте на овие состојби:
- Не смеете да се впуштате во сексуални односи доколку гинекологот ви забрани пенетрација и доживување оргазам
- Не форсирајте сексуален однос доколу чувствувате било каква непријатност
- Не се впуштајте во сексуален однос доколку имате проблеми со полово преносливи болести
- За сите нејаснотии и поединости прашајте го гинекологот. Не препуштајте ништо на случајност.
- Разговарајте со партнерот за сите опции на сексуалниот однос.
