ШАРЛАХ КАЈ ДЕЦАТА: Како да го препознаете и што е најважно за лекувањето

Педијатарот д-р Саша Миличевиќ објаснува што е шарлах, како да го препознаете и што е најважно во лекувањето на детето.

“Шарлахот е стрептококна болест која ја предизвикува бактеријата стрептокок која секогаш ка има и секогаш се наоѓа околу нас. Всушност, тоа е една ангина која се манифестира уште и со промени на кожата. Постојат лекови кои тоа го смируваат, но секоја нова епидемија, ги плаши родителите“, вели педијатарот д-р Саша Миличевиќ.

Тој ги објаснува симптомите кои се карактеристични за шарлахот.

“Болка во грлото, воспаление на грлото, оток на лимфните жлезди, детето е малаксано, нерасположено и има карактеристичен осип по кожата. Тоа е еден зрнест осип некогаш потсетува малку на алергија, понекогаш потсетува на сипаници. Детето просто е интоксицирано, нерасположени, а тоа е всушност една ангина проследена со кожен осип кој може да чеша, но и не мора, зависи од дете до дете. Родителите често велат дека детето отекло, дека е црвено и дека има некој чуден осип. Некогаш има и непријатен мирис од грлото кое е црвено, а некогаш има и бели точки“, вели д-р Миличевиќ.

Според него, болеста се шири по капков пат, со контакт, а може и преку чаши и во одредена мера и преку играчки.

Во најголем процент, потенцира педијатарот, тоа е преку капков пат и најчесто кај децата бидејќи тие се уште немаат развиен таков имунитет кога се во прашање тие стрептококни инфекции. Најчесто се јавува во предучилишна возраст. Може да се пренесе и на родителите, но кај возрасните тоа е потешко, бидејќи веќе имаат стекнат имунитет, па и клиничката слика е полесна.

ЛЕКУВАЊЕ

Според д-р Миличевиќ, најважно е детето да мирува.

“Постои добар лек за шарлах, а тоа е пеницилинот и различни форми на пеницилин. Важно е заразените деца да се изолираат, да не одат во градинка и училиште додека тоа не помине, а вообичаено и се со лоша општа состојба, па и не одат. Кога ќе оздрави, детето може да се врати во колективот, а добро е да се направи и брис од грло кој ја потврдува дијагнозата. Најважно е детето да биде дома, да мирува, да внесува топли напивки и полесна храна и да користи антибиотик што му е препишан“, вели педијатарот.

Со оглед дека постои карактеристичен осип, многу родители се прашуваат дали детето со ваков осип смее да се капе.

“Може да се капе. Тоа е осип кој нема меурчиња на врвовите, некој гној и слично. Евентуално би можело да се случи да ако детето има јадеж, да го расчеша осипот па да се појави некоја секундарна од типот на стафилокок, но и тоа е ретко, па не треба да се плашат родителите“, вели д-р Миличевиќ.