Иако САД оштро ја критизираа СЗО поради бавната реакција на ширењето на епидемијата на коронавирусот, нејзиниот генерален директор Тедрос Аданом Гебрејесус уште еднаш застана во одбрана на својата работа.
Одговорајаќи на прашање за политиката на попуштање на рестрикциите што ги заговара претседателот на Бразил, Жаир Болсонаро во време кога Бразил се уште не го досегнал пикот на епидемијата, Тедрос Аданом Гебрејесус изјави дека СЗО “нема мандат да може да ги присили земјите на спроведување на нивните препораки“.
Потоа истакна дека е важно да се слуша СЗО.
“Светот требаше повнимателно да ја слуша СЗО бидејќи светската криза почна на 30 јануари, кога надвор од Кина беа заразени 82 заразени и ниту еден починат“, истакна генералниот директор на новинарската конференција во Женева.
“На целиот свет препорачавме да примени глобален пристап на подрачјето на јавното здравство. Рековме дека треба да се идентификуваат заболените, да се тестираат, да се изолираат и да пронајдат со кого биле во контакт. Земјите кои ги послушаа тие препораки се во подобра позиција. Тоа е факт. Секоја земја можеше да ги воведе тие јавноздравствени мерки. Мислам дека тоа доволно јасно покажува колку е важно да се слушаат препораките на СЗО “, додаде тој.
Во пандемијата со новиот коронавирус која во декември изби во Кина, според пресметките на агенцијата Франс Прес на основ на официјалните податоци, починаа над 206.000 лица во светот.
