Родителството не доаѓа со прирачник, така што многу нови мајки и татковци сами мораат многу да научат и да се носат со секојдневните предизвици на родителството. Многу совети, од баби и деовци, пријатели и интернет не се секогаш најсигурни. Многу пати родителите се наоѓаат кај педијатарот под стрес, во хаос, и понекогаш им е непријатно да ги постават сите прашања.
Педијатарот Бил Буш од детската болница во Мичиген подели совети на родителите за работите кои многу често ги прават, а би требало да престанат.
Престанете да барате медицински совети на интернет
Кога родителите се во паника поради некој симптом кај детето, прво кон кое вообичаено се вртат е Гугл. И иако има многу проверени страници и совети на стручни лица, неможно е да се добие дијагноза преку интернет страниците. Наместо тоа, д-р Буш советува да се обратите на својот лекар во истиот момент.
Антибиотиците не се секогаш решение
Природно е да сакаме децата да ни оздрават што побрзо, но антибиотиците не се секогаш решение.
“ Постојат случаи кога е апсолутно потребно да се даде антибиотик, како кај бактериски инфекции, но за повеќето пациенти, антибиотиците не би требало да бидат прв избор“, вели д-р Буш. Тој вели дека за настинка и кашлица не треба антибиотик, само се потребни време и одмор да детето оздрави, а најчесто и природни лекови како чаеви, овошје и други лековити намирници.
Освен тоа, давањето антибиотик пречесто, може да доведе до развивање на отпорност на нив, што доведува до потешка борба против бактериите.
Ограничете го времето поминато пред екраните
Да бидеме реални: Екраните се сега дел од нашите животи, и многу тешко да се избегнат, и порано или подоцна, децата се изложени на телевизија, мобилни, компјутери и таблети. Сепак, д-р Буш ги советува родителите секојдневно да обезбедат време поминато на отворено, физичка активност и активности кои вклучуваат интеракција лице во лице.
Не ја обвинувајте детската настинка поради времето поминато на отворено
Тоа е еден од митовите кои никогаш нема да поминат. Вашето дете нема да настине поради поради една минута до автомобилот без јакна.
“При вирусните болести како што е настинката, доаѓа до ширење на бактериите кога децата фаќаат се околу себе и после тоа го допираат носот, очите и устата“, вели д-р Буш.
Престанете да користите стапчиња за уши
Многу родители мислат дека стапчињата за уши помагаат при хигиената на своето дете, но со нив всушност само го туркаат восокот подлабоко во ушите.
“Децата понекогаш ги болат ушите или им е намален слухот токму поради стапчињата за уши и восокот кој се заглавил длабоко во нив“, тврди д-р Буш. Наместо со нив, од време на време дозволете малку вода да влезе во ушите на детето за време на акапењето, оти влагата природно ќе помогне восокот да излезе надвор.
Не паничете околу температурата на детето
Загрижувачки е кога детето има покачена телесна температура, но откако децата ќе ја поминат фазата на новороденче, кога зголемената температура претставува опасност, кај лекар треба да се обратите поради други симптоми.
“Симптомите како течење на нос, кашлица или болка во одреден дел од телото, се податоци кои ни помагаат да донесеме одлука за дијагнозата и лекувањето. Ретки се случаевите кога зголемената температура е всушност алармантна“, вели д-р Буш.
