Претерано високите температури можат да го оштетат секој дел од човечкото тело, а во екстремни случаи може да доведат до мозочен и срцев удар, како и до рак.
Кожа
Изгорениците на кожата настануваат поради прекумерна изложеност на сончевите зраци. Колку повеќе изгореници добива телото, толку е поголем ризикот од рак на кожата. Премногу УВ зрачење може да ја оштети ДНК на клетките на кожата.
Мозок
Понекогаш е тешко да се размислува јасно кога ви е жешко. Истражувањата покажуваат дека екстремната топлина може да влијае на менталните способности. Топлото време се поврзува со намалени когнитивни функции, грешки во одлучувањето и поголем ризик од повреди поврзани со работата.
При екстремни температури, количината на крв што циркулира низ телото драстично се зголемува. Срцевиот мускул на тој начин станува исцрпен и протокот на крв може нагло да се намали. Експертите велат дека со порастот на температурите, ќе расте и стапката на смртност, а тие смртни случаи ќе бидат главно предизвикани од стресот што екстремната топлина го предизвикува во циркулаторниот систем
При екстремно високи температури, бариерата помеѓу крвта и мозокот почнува да пука. Многу луѓе пријавуваат дека се чувствуваат нервозни за време на жештините, а постојат и докази дека екстремната топлина може негативно да влијае на вашето ментално здравје.
Една неодамнешна студија спроведена во Њујорк покажала дека во тие денови се зголемува бројот на пациенти поради предозирање, нарушувања на расположението и анксиозност, шизофренија и деменција.
Друга студија го поврза зголемувањето на температурите со повисоки стапки на самоубиства.
Пот
Хипоталамусот е термостат на човечкиот организам. Ги чувствува промените во температурата, и внатре и надвор од телото, и прави прилагодувања што ја одржуваат температурата во рамките на степен или два од 37 Целзиусови степени.
Кога мозокот ќе почувствува дека телото се загрева, хипоталамусот испраќа порака до крвните садови на површината на кожата, „наредувајќи“ им да се прошират, со што се зголемува количината на крв на површината на телото и ѝ овозможува на кожата да ослободи топлина, пишува британски „Гардијан“.
Ако воздухот надвор од телото е потопол од телесната температура, на сцена настапуваат потните жлезди. Потта се излачува на површината на телото, каде што нејзиното испарување создава ефект на ладење, бидејќи топлинската енергија на телото е потребна за да се претвори течноста во пареа.
Истражувањата покажуваат дека екстремната топлина може да влијае на менталните способности. Топлото време се поврзува со намалени когнитивни функции, грешки во одлучувањето и поголем ризик од повреди поврзани со работата
Сепак, потењето не е совршен систем. Активната личност може да излачи до 10 литри пот секој ден, што доколку не се замени може да доведе до дехидрација. Дехидрираното тело повеќе не може да се олади со потење.
Исто така, ако телото премногу се загрее, протокот на крв до кожата, како и потењето, престануваат: во овој случај температурата на телото значително се зголемува, а мозочните клетки непоправливо се оштетуваат.
Бели дробови
Топлото време може негативно да влијае на квалитетот на воздухот, што го отежнува дишењето. Високите температури често доаѓаат со недостаток на ветер, што значи дека загадувачките честички стагнираат. Приземниот озон е штетен гас кој се создава кога загадувачите кои се испуштаат од автомобилите, фабриките и индустриските комплекси хемиски реагираат на сончевата светлина.
Како една од главните компоненти на смогот, приземниот озон може да ја намали функцијата на белите дробови. Тоа е еден од главните фактори за развој на тешки симптоми, па дури и смрт предизвикана од астма.
Ако телесната температура се искачи до 38 Целзиусови степени, мозокот им кажува на мускулите да успорат, а потоа доаѓа до исцрпеност. Овој феномен се нарекува топлотна исцрпеност, а неговите симптоми вклучуваат вртоглавица, нарушувања на видот, интензивна жед, гадење и забрзан пулс
Студија од 2008 година покажала дека со секој еден степен зголемување на температурата, 22.000 повеќе луѓе умираат во светот од загадување.
Исцрпеност
Хипертермијата е состојба во која телото достигнало ненормално висока температура. Се јавува кога механизмите за ладење на телото не можат да се справат со порастот на температурата.
Ако телесната температура се искачи до 38 Целзиусови степени, мозокот им кажува на мускулите да успорат, а потоа доаѓа до исцрпеност. Овој феномен се нарекува топлотна исцрпеност, а неговите симптоми вклучуваат вртоглавица, нарушувања на видот, интензивна жед, гадење и забрзан пулс.
Ако температурата на телото не се намали, овој вид на исцрпеност може да прерасне во топлотен удар. Тој се јавува кога температурата на телото се искачува до 40 степени, што е итен случај за лекар. Симптомите вклучуваат сува и топла кожа и ментална дисфункција. Ако не се лекува, топлотниот удар може да доведе до кома, па дури и до смрт.
Срце
Како што телото се загрева, крвните садови се шират, намалувајќи го крвниот притисок, поради што човекот чувствува слабост. Во најлош случај, кога веќе нема нормален проток на крв во телото, може да се оштетат крвните садови, што доведува до згрутчување на крвта, а клетките се разградуваат поради распадот на протеините. Ако крвниот притисок падне премногу ниско, ризикот од срцев удар се зголемува.
Хипертермијата е состојба во која телото достигнало ненормално висока температура. Се јавува кога механизмите за ладење на телото не можат да се справат со порастот на температурата
Кога телото ќе почувствува дека е премногу жешко, medulla oblongata – делот од мозокот кој ги контролира виталните процеси вклучувајќи ги отчукувањата на срцето, дишењето и крвниот притисок – испраќа порака до срцето да ја зголеми количината на крв што се пумпа со секое отчукување. Но, ако е намален крвниот притисок, срцето мора да работи понапорно за крвта да дојде до сите делови од телото, што значи дека пулсот се зголемува.
При екстремни температури, количината на крв што циркулира низ телото драстично се зголемува. Срцевиот мускул на тој начин станува исцрпен и протокот на крв може нагло да се намали. Експертите велат дека со порастот на температурите, ќе расте и стапката на смртност, а тие смртни случаи ќе бидат главно предизвикани од стресот што екстремната топлина го предизвикува во циркулаторниот систем.
