Пандемијата на вирусот „Ковид-19“ се шири во САД, а со тоа и недостатокот на маски N95. Станува збoр за маски кои до неодамна беа користени за заштита од штетните честички на смог, издувни гасови, гасови од согорување и прашина. Залихите на заштитни средства полека исчезнуваат, па многу граѓани се принудени сами да се снаоѓаат, пишува „USA Today“.
Маските од домашната работилница не се дизајнирани за да го спречат пренесувањето на коронавирус
Милиони Американци шијат заштитни маски од рециклирани ткаенини и други материјали. Експертите велат дека алтернативните методи не се доволно ефикасни, но можат да го намалат ширењето на поединечни клици. Сепак, маските од домашната работилница не се дизајнирани за да го спречат пренесувањето на коронавирус.
Американскиот Центар за контрола и превенција на болести советува дека најдобра превенција е спречување на изложеност на вирусот. Ова првенствено се однесува на директните контакти меѓу луѓето и социјалната дистанца. Исто така, треба да се избегнува допирање на устата, носот и очите, а една од најважните мерки за превенција е темелно миење на рацете со топла вода и сапун најмалку 20 секунди
„Единствената маска која е признаена како ефикасно заштитно средство од страна на Центарот за контрола и превенција на болестите на САД е маската N95. Сите други маски направени во домашни услови може да послужат единствено како заштита од допирање на лицето. За време на кашлање и кивање, вирусот поминува растојание од приближно два метри. Ако сте здрави, маската не е од пресудно значење за спречување на болеста. Сите кои чувствуваат симптоми, би требало да останат дома“, вели лекарот од Националната гарда на Њујорк, капетан Мајкл Дојл.
Американскиот Центар за контрола и превенција на болести советува дека најдобра превенција е спречување на изложеност на вирусот. Ова првенствено се однесува на директните контакти меѓу луѓето и социјалната дистанца. Исто така, треба да се избегнува допирање на устата, носот и очите, а една од најважните мерки за превенција е темелно миење на рацете со топла вода и сапун најмалку 20 секунди.
Имено, маските што граѓаните самите ги прават потсетуваат на хируршки маски, но не ги исполнуваат стандардите N95.
„Маската има улога да го контролира ширењето на вирусот и контаминацијата на околината при кашлање и кивање. Пациентите на кои им е потврдена болеста или се сомневаат дека имаат Ковид-19 мора да носат заштитни маски се додека не заминат во изолација“.
Центарот за контрола и превенција на болести во САД советува дека здравите луѓе не треба да носат маска освен ако не се грижат за пациент.
„Заштитните маски треба да се зачуваат затоа што им се потребни на медицинските работници“, се вели во соопштението на организацијата.
