Некои деца се поемотивни и почувствитени од другите. Тие често многу поекстремно реагираат на некои ситуации, па потребно е со нив да се има малку повеќе трпение. Често бурно реагираат на однесувањето на родителите или ако работите не излезат онака како што тие сакале.
Како да знаете дека детето ви е хиперсензитивно?
Вообичаено тоа ќе го препознаете по некои начини на однесување, како:
- Молење
- Плачење
- Немир
- Исклученост
Како да се однесувате со дете кое е хиперсензитиво?
- Набљудувајте го детето
Обрнете внимание дали има проблем да ги контролира своите емоции. Ако го забележите ова, обидете се да разговарате со него. Ако стане свесно за ова, тогаш лесно ќе разбере што е добро за него, а што не.
- Дајте му време на детето
Дете не може за миг да ги промени своите емоции и однесување. Полека, дајте му безбеден простор и време за тоа. Со тек на времето ќе почне да се прилагодува и помирно да се однесува со промените во животот.
- Побарајте ги тригерите за вакво однесување
Често се повторува едно исто сценарио, па детето бурно реагира одново и одново. Обидете се да зборувате со него за заедно да пронајдете што е тоа што посебно го вознемирува.
- Бидете креативни
Дајте му на детето начини да препознае што тоа често го вознемирува и помогнете му на негов начин да пронајде мир. Можете да му кажете да го наслика тоа што го чувствува, да раскаже приказна, да ја осмисли, а некогаш е доволно да се исплаче во вашата прегратка за да му биде полесно.
- Бидете покрај него
На детето му е важно да се чувствува безбедно покрај вас. Зборувајте со него за се и покажате му дека тоа што го чувствува не е погрешно, ниту грдо и лошо. Обидете се заедно да најдете начин да се избори со своите емоции, за да не се повреди себе или неговите најблиски.
Имајте на ум дека секое дете е посебно и свое, не треба да го осудувате, туку да бидете личност со најголемо разбирање и поддршка, бидејќи на хиперсензитивно дете тоа му е најпотребно. бидете трпеливи.
