Првиот заб што се појавува кај бебињата е долниот централен секач и обично се појавува околу шестиот месец, кај повеќето деца. По неколку месеци се појавуваат горните секачи, како и страничните долни и горни секачи (околу осмиот месец).
Заби кои следни избиваат се млечните молари (катници) и се јавуваат во периодот од 10 до 14 месец и тие не растат веднаш покрај секачите, туку остават просрот за очниците кои се јавуваат на возраст од 14 до 20 месец. Другите млечни катници се јавуваат во период од 24 до 30 месец. Со тоа се завршува периодот на никнување на млечните заби.
Времето на никнување на млечните заби е индивидуално ( се разликува од дете до дете). Детето не терба да се споредува со деца на негова возраст и не треба да се грижите поради евентуалните отстапувања.
Прерана појава на млените заби се смета кога тие никнуваат пред третиот месец, а кога првиот заб ќе се појави по првиот роденден, се смета дека тоа е задоцнето избивање на забите.
Доцнењето на млечните заби може да се појави од повеќе причини. Најчесто, оваа појава не треба да ги загрижува родителите, бидејќи отстапувања во вообичаениот редослед на никнување на забите се јавуваат многу често.
Може да се толерира отстапување од шест месеци во однос на вообичаениот редослед на никнување на забите. Меѓутоа, ако растењето на забите кај детето доцни, а тоа има над една година и нема заби и притоа нема ниту еден заб, тогаш секако се советува посета на стоматолог, велат лекарите.
Задоцнетото никнување на млечните заби е многу честа појава кај ненињата кои се родени пред терминот. Исто така, доколку бебето малку побавно напредува, тоа често ќе биде проследено и со задоцнето никнување на млечните заби. Пореметувања во работата на ендокрините жлезди, често доведуваат до доцна појава на првите заби, но таа состојба често е проследена и со други симптоми.
Доколку забите доцнат во растењето, треба да обрнете внимание и на изгледот и растот на коските, кожата, косата и ноктите. Доколку растот на коските, кожата и косата е нормален, не треба да се грижите.
Меѓутоа, ако детето има една година и се уште нема ниту еден заб, се советува консултација со стоматолог, кој ќе направи преглед кај детето и ќе ве советува какви испитувања треба да направите понатаму.
