На дохраната во лето може да попречат жештините, засилената жед, како и промената на околината и рутината поради одење на годишен одмор. За бебето сето тоа, понекогаш е премногу, па не треба да се загрижувате ако се не оди веднаш како што сте планирале.
Започнете со намирници типични за поднебјето
Но, ако е време вашето бебе да почне со дохрана според возраста, важно е да му понудите храната што му е потребна. Правилата за дохрана се менуваат со текот на годините, па некогаш морало да се „започне“ со овошје, а потоа со житарки, за да следат упатствата за започнување со зеленчук.
Ново правило е дека нема правила.
Треба да се започне со храна типична за поднебјето каде живеете и кои бебето подоцна ќе ги јаде. Летните намирници се идеални за подготовка на најразлични вкусни каши, па затоа е добро за појадок за дете над шест месеци да му се понуди млечно-житна кашичка збогатена со сезонско овошје (на пр. снегулки од ориз со сливи). За ручек, идеална е комбинацијата на риба и сезонски зеленчук со додавање на маслиново масло или комбинации на мешунки и житарки. За вечера, може да се комбинира бело месо од живина и зеленчук.
Најдобри меѓуоброци се свежо сочно овошје, како цреши, дињи, праски или нектарини, кајсии или лубеница, во зависност од возраста на бебето. Започнувате ли со дохрана во летните месеци, ќе забележите дека детето инстинктивно подобро го прифаќа она што честопати се нарекува” лесна храна, односно храна богата со вода и минерали, кои засилено се губат со потење во текот на врелите денови.
- Поновите упатства ги поместуваат ограничувањата во давањето риба, па така белата риба (ослиќ) и пастрмка може да се даде уште од седум месеци, а еден месец подоцна се воведува и сина риба. Солта и шеќерот, советуваат лекарите и нутриционистите, се излишни во текот на првата година од животот.
- Спротивното е со другите зачини. Може да се воведат полека од седумиот, осмиот месец. Билките имаат лековити, антиинфламаторни и антибиотски својства, така што на вашето бебе можете да додадете магдонос, мајчина душица, оригано, рузмарин, цимет, босилек …
- На возраст од шест месеци, бебињата се подготвени да пробаат јаболка, банани, кајсии, цреши, праски, сливи и боровинки.
- Од зеленчук први се на ред тиквички, моркови и компири се први.
