Да се има дете/деца е тешко, колку што е и прекрасно. Ако очекувате доаѓање на своето бебе или по прв пат сте станале мајка, овие неколку совети може да ви помогнат во оваа нова чудесна улога.
- Од почеток многу малку ќе спиете. Дури и ако вашето бебе е “спанко“, вие повторно нема да можете мирно да спиете, бидејќи главата ви е преполна со се што сте прочитале или слушнале. Мајките постојано бдеат над своите бебиња.
- Вам еден ден ви е студено, друг ден жешко, понекогаш сте расположени, понекогаш не, има денови кога воопшто немате апетит, а има и такви кога може да изедете цела торта во неколку залака. Такви се и децата. Тоа е всушност еден од најголемите предизвици на родителството – да се пуштат некои работи да одат по својот тек.
- Изберете две до три блиски личности кои ќе ги бомбардирате со прашања. Ако совети и мислења барате на многу страни, ќе останете збунети.
- Ќе заборавате. Не грижете се, им се случува на сите мајки.
- Верувајте си себе си!
