На децата не треба да им се попушта ако не сакаат зеленчук, млечни производи или месо, оти тоа може да има големи последици по нивното здравје. Според диетолозите, во периодот на развој најважно е децата да јадат од сите групи намирници, додека шеќерот е потребно целосно да се исфрли.
Специјалистот за исхрана, д-р Татјана Мраовиќ вели дека правилата за балансирана исхрана на детето, колку и да ни се познати и мислиме дека ги знаеме, најчесто не се спроведуваат доследно.
“Некои од тие правила е што децата треба да јадат, на што да се обрне внимание, и што им е најпотребно и ненадомесливо. Грешките и лутањето се многу присутни во оваа област, а тоа неретко води во болести од неправилна исхрана подоцна во животот“, вели Мраовиќ.
Најважно е децата да се научат да се засладуваат со овошје, суво овошје и по малку мед. Да не се миксира храната, туку да се пушти со џвакање, како дел од варење на храната.
“Не треба да се дозволи детето да се здебели и да се мисли дека тоа е само крупно. Посебно внимание треба да се обрне во втората, седма и годините пред пубертет. Гоењето во овој животен период остава трајна склоност кон доење во текот на животот“, додава Мраовиќ.
