Покачената температура е воедно и одличен знак дека телото, односно дека имуниот систем на детето реагира адекватно на инфекцијата. Зголемената температура всушност му помага на детето природно да се избори со вирусот.
Кога детето ќе се разболи од вирусна инфекција, имуните клетки веднаш реагираат со цел да биде воспоставена одбрана. Со подсредство на нивното дејство, материите по името пирогени преку крвотокот доспеваат до хипоталамусот, мозочна регија која ја контролира телесната температура. Тие тука ги активираат рецепторите кои даваат сигнал за зголемување на телесната температура.
Што е зголемена, а што висока температура?
- Температурата е зголемена кога го преминува 37 степен, но се смета за висока. За деца кои имаат температура 37.5 – 38 степени, се вели дека се субфебрилни.
- Телесната температура која кај детето се движи во распон од 38 до 39 степени е зголемена, а за детето се вели дека е фебрилно. Температура која надминува 39 степен е висока температура.
Не е болест, туку симптом на болест
Кога се зборува за деца од предучилипна возраст и зимски период, може да се каже дека вирусната инфекција на респираторните органи е еден од најчестите причини за пораст на телесната температура. Освен поради вирусна, детето може да има зголемена температура и поради бактериска инфекција, како и низа различни други болести, пореметување и сериозни состојби.
Треба да се нагласи дека самата температура не е болест, туку симптом за болест. За точно да се утврди кој е нејзиниот причинител, важно е детето да се прегледа од педијатар, особено ако температурата е висока.
