Првото нешто што ни паѓа на ум кога ќе видиме дете како спие со отворена уста е дека воздухот е сув или носот му е затнат. Како што објаснува педијатарот Варвара Рајнејскаја, дишењето низ нос е многу важно не само за возрасните, туку и за правилниот развој на детето.
Важноста на дишењето на носот
„Со дишењето низ носот го обезбедуваме протокот на воздух кој ни е неопходен за живот, кој поминува низ носните премини, ги навлажнува или суши, ги загрева и чисти од прашина. При дишењето низ нос, нормалната размена на гасови во крвта се обезбедува, потребната количина на кислород влегува во телото, додека дишењето преку устата може да обезбеди само 75% од потребниот волумен на размена на гасови. Исто така, кај дишењето низ нос, рецепторите вклучени во регулирањето на протокот на крв и активност на мозокот, се надразнети“.
Посебно место меѓу причините зошто детето спие со отворена уста зазема отежнато дишење низ носот. Лекарот напоменува дека дневната поспаност, анксиозноста, депресијата и немирниот сон може да се појават поради долготрајна опструкција на носното дишење.
Педијатарот Марија Мамедова зборува за важноста на правилното дишење за детскиот организам.
„Нормално, детето вдишува воздух низ носот, кој потоа поминува низ носните премини и канали, каде што се загрева, навлажнува и чисти од нечистотии. Сето ова се случува благодарение на слузта и влакненцата што ги обложуваат нашите горни дишни патишта. Слободното дишење низ нос е потребно за нормална размена на гасови во крвта“.
Лекарката исто така споменува и дека при дишење преку уста количината на кислород што влегува во човечкото тело е само 75 отсто од нормалниот волумен.
