Нателото ото по породувањето му е потребно време да се опорави, а во тоа може да помогне правилната исхрана. Ова се совети за тоа како да се храните здраво и и на тој начин да ги намалите вишокот килограми од бременоста. Но, имајте предвид дека секој организам е поинаков и дека секоја жена е различна и брзината на враќање на телесната тежина пред забременувањето не е иста.
Повеќето стручњаци препорачуваат да се почекаат и до шест месеци по породувањето, пред да се почне со посебен режим за намалување на наталожените килограми во бременоста. Во тој период телото се уште се опоравува од промените, пред се доаѓа до балансирање на хормоните, но се воспоставува и ред со сите претходни стресни случувања и промени.
Препорака е да јадете храна богата со железо, особено ако доите. Тоа може да помогне за опоравување од губитокот на крв за време на породувањето. Комбинирајте храна богата со железо со храна која содржи витамин Ц.
Доколку доите, ќе ви требаат дополнителни 300 калории дневно за да си обезбедите доволно енергија. Исхраната нека биде балансирана, а тоа значи на дневното мени да има доволно јаглехидрати, белковини и масти.
Настојувајте да консумирате полнозрнести житарки, мешунки и зелен лиснат зеленчук – така на организмот ќе му обезбедите се што му е потребно без дополнително калории.
