Дијареата често се јавува кај децата од многу различни причини – понекогаш е во прашање вирус, труење со храна, земање антибиотици…
Како што објаснува гастроентерологот д-р Лорин Лазар, дијареата или проливот се јавува кога столицата апсорбира премногу вода во цревата „Доколку детето има три или повеќе ретки или течни столици пати во текот на денот, веројатно е во прашање дијареа“, вели таа.
Таа истакнува дека причините за дијареата може да бидат некои инфекции, труење со храна, нетолеранција на лактоза, консумирање премногу шеќер или вештачки засладувачи, некои антибиотици, а лекувањето зависи пред се од типот на причината.
Што може да помогне при дијареа
Најчесто, не се потребни лекови за да се запре дијареата кај децата. Во повеќето случаи, акутната дијареа ќе исчезне штом ќе помине инфекцијата во телото.
“Дијареата е како кашлица кога сте настинати. Вака вашите црева се обидуваат да исфрлат нешто лошо од телото. Ако ги забавите со земање лекови против дијареја, ќе ја заробите инфекцијата внатре”, вели д-р Лазар.
Доколку дијареата трае подолго од неколку дена, консултирајте се со педијатар за да се утврди причината и да се најде решение.
Детскиот гастроентеролог советува да не му давате лекови на вашето дете на своја рака, а во некои случаи помага и пробиотик, но важно е да се консултирате со лекар за давање пробиотици доколку детето е под три години.
