На родителите не им е секогаш лесно да ги протолкуваат фините сигнали на бебето страо неколку недели. Затоа овие неколку работи ќе ви помогнат во “преводот“.
- Раширени очи, отворена уста и лесно раширени рачиња: Остани, разговарај со мене,
- “Мисловна“ брчка на челото, напнатост, стиснати дланки: Луто сум, не се чувствувам добро, несигурно сум.
- Стаклест поглед, како бебето да гледа низ вас: Остави ме на мира.
Кон средината на вториот месец од животот веќе се случуваат очигледни гестови и мимики. Бебето за прв пат всушност им се насмевнува на својата мајка и татко. Односот кон родителите добива сосема нов квалитет. Бидејќи гледа колку родителите се радуваат, нему ќе му биде се повеќе забавно да им се насмевнува.
На околу три месеци, насмевката веќе се користи како почеток на разговор. Во тој период бебето дели насмевки на сите страни. Но, веќе при крајот на првата година, детето почнува да бира кому ќе му се насмевне.
