Одењето на плажа пред да станете мајка можеби ви изгледало така што сте земале само крпа, крема за сончање и очила за сонце и сте биле подготвени целодневно одморање, сончање и капење, но сега знаете дека на вашето бебе му требаат малку повеќе работи, всушност како и за секое излегување. Но, подготвувањето за на плажа и поминувањето на денот на сонце и покрај базен или море со бебе, не мора да биде комплицирано ако знаете кои работи можат да ви го олеснат тоа. Престојот на сонце и покрај море е добро и за мајката и за бебето, само треба да бидете внимателни да не го изложувате вашето бебе на најсилното сонце, помеѓу 10 и 17 часот, а ако морето е доволно топло, бебето може и да се капе. Многу родители со мали бебиња сакаат и шатор за плажа, корисен е затоа што штити од сонце, особено ако сте на плажа каде што нема природна сенка.
Но, првиот чекор е да спакувате торба за на плажа со која ќе бидете подготвени на сè и да можете да се опуштите и да уживате со вашето бебе.
- Крема за сончање
Ако бебето е постаро од шест месеци, не заборавајте да ставите крем за сончање со висок фактор пред изложување на сонце. Помладите бебиња не се препорачува да се мачкаат со крема за сончање, но ниту да се изложуваат директно на сонце помеѓу 10 и 17 часот.
- Шапка или капа за бебе
УВ зраците стануваат посилни и поопасни, а шапката или капата го штитат главчето и лицето на бебето. Ако вашето бебе сака да носи очила за сонце, можете да ги земете и нив, но капа е доволно.
- Влажни марамчиња
Инаку неопходен и практичен предмет при излегување со бебе, влажните марамчиња на плажа секогаш ви се добродојдени за бришење после јадење, менување пелени и дезинфекција.
- Вода, чај
На плажа лесно се дехидрира и внесот на течности е важен, затоа подгответе бебешко шише со вода или чај. Ако доите, понудете му на бебето почести подои.
- Играчки
Иако плажата е ново место за вашето бебе и песокот, камчињата, плиткото се интересни за нови авантури, не заборавајте да земете кофичка, гребло и некои бебешки играчки за детето да се забавува сè додека планирате да останате на плажа.
- Пелени
Веќе знаете дека не можете да излезете со бебе без резервни пелени, а доколку сакате да одите на плажа, можете да земете и пелени за капење. Соблечете му ја пелената за капење веднаш штом излезете од море, а на плажа нека носи обична пелена. Исто така, земете и кеса за валканите пелени и влажните костими за капење, бидејќи никогаш не знаете каде ќе бидете стационирани, дали во близина има корпа за отпадоци, а никој не сака да наоѓа валкани пелени на плажа.
- Простирка и пешкири
Постојат простирки за бебиња кои се идеални и за на плажа, а ако се капете, потребен ви е пешкир за да го избришете бебето. Може да земете и подлога за еднократна употреба.
- Храна
Зависи што јаде твоето бебе, ако доиш, не мора да носиш ништо, дури ни вода, освен да почесто го доите бебето. Ако бебето пие адаптирано млеко, земете шише, а ако јаде кашички, земете куповна кашичка. Земете и овошје и некои здрави грицки кои се практични за на плажа.
