Децата помнат многу нешта и она што го доживуваат во детството го формира нивниот живот кога ќе пораснат, како и односот кон себе и кон другите. Но, овие пет работи децата секогаш ќе ги помнат за своите родители.
Моментите кога поради своите родители се чувствувале сигурно, но и несигурно
Децата се чувствителни и додека се мали постојано чусвтвуваат потреба да бидат заштитени. Тие сигурно ќе помнат како сте ги бркале чудовиштата под нивниот кревет и сте ги гушкале по ноќните кошмари. Ќе се сеќаваат и на моментите кога сте викале на нив, а не сте имале право. Тоа се моменти кога вашиот карактер ќе се претвори во чудовиште од кое се плашат.
Моменти кога целосно сте им се посветиле
Велат дека кога детето постојано ве вика да играте со него, значи дека добива премалку родителско внимание. Кога ќе оставите се, и садови, и алишта и телефон, и ќе му се посветите на своето дете, тоа ќе почувствува. Тоа се моменти кога ќе создадете спомени, на кои децата ќе се сеќаваат цел живот.
Начинот на кој разговарате со сопатникот
Најдобар начин детето да научи што е љубов е да кон својот партнер се однесувате со почитување и со љубов. Начинот на кој постапувате со него/неа, длабоко ќе влијае на нивното однесување во иднина. Вие им поставувате на децата стандарди што е нормално, прифатливо и неприфатливо однесување.
Вашите зборови на поддршка, но и критика
Детските психолози истакнуваат дека постојаното велење “браво“ не им помага на децата. Може да им наштети. Но, не е добро зборовите на поддршка да изостанат, Тоа се зборови кои ја јакнат нивната самодоверба и верба дека можат да го остварат она што го сакаат. Вашата критика можеби уште повеќе че им остане во памет. Тоа се зборови кои болат и ако бидете груби, ќе влијае на нивниот однос кон вас и кон самите себе.
Вашите семејни традиции
Начинот на кој го славите Божик веројатно ќе биде начин на кој и вашето дете кога ќе порасне ќе сака да го слави. Низ семејната традиција, детето стекнува убави спомени кои ќе сака да ги повторува. Впрочем, децата сакаат предвиливи работи. Сами создадете свои традиции на славење на родендени, годишни одмори и погрижете се да останат прекрасни спомени.
