Ноќните стравови се вознемирувачки и драматични будења кои обично се случуваат во првите два или три часа од сонот на детето. Обично се јавуваат кај деца од 4 до 12 години, но забележани се и кај бебиња од 18 месеци.
Ноќните стравови треба да се разликуваат од ноќните мори. Ноќните стравови се одвиваат во првиот дел од ноќта и се изразено трауматични. Детето за време на нив, не е целосно будно и чести е всушност неутешно. Детето пак кое преживува ноќна мора ( која се случува во подоцниот дел од ноќта), целосно ќе се разбуди по лошиот сон и родителите ќе можат лесно да го утешат.
Ноќниот страв не е сон, туку реакција која се случува кога детето преминува од најдлабока состојба на не-РЕМ спиење во лесно РЕМ спиење. Тој процес кај повеќето деца се случува незабележително, но за овие 5% тоа е “трнлив пат“ кој е тригер за страв познат како ноќен терор.
Што точно му се случува на детето кога преживува ноќен страв?
Дете кое преживува ноќен страв почнува да зборува или да вришти во состојба на полусон. Многу е уплашено и не е нужно дека во текот на тоа случување воопшто ќе се разбуди. Во тие моменти децата делуваат многу уплашено, неутешно, под голем стрес, брзината на отчукувања на срцето им се зголемува, а очите им изгледаат стаклесто. Некои дури и се фрлаат по кревет или трчаат наоколу како некој да ги прогонува.
Што е причината?
Ноќниот страв се појавува кога средишниот нервен систем кај детето е премногу надрзанет за време на спиењето. Тие најчесто не се поврзани со никаква траума или психолошки проблем, туку се нормален дел од детството. Но, стресот и анксиозноста може да бидат потенцијални тригери за почеток на ноќните стравови, како и премореноста. Ноќните стравови почесто ги погодуваат момчињата, отколку женските деца.
Како да му помогнете на детето?
- Ако вашето дете пати од ноќни стравови, може да направите неколку работи за да ја зголемите неговата сигурност.
- Останете смирени и обидете се да не го допирате детето додека е во состојба на стрес, бидејќи тоа може да ја влоши ситуацијата.
- Подовите на собата и ходникот нека ви бидат расчистени од непотребни работи и играчки пред детето да си легне да спие.
- Проверете дали вратите и прозорците се заклучени.
- Ако вашето дете спие надвор од дома, погрижете се луѓето каде престојува да знаат за можноста за појава на ноќни стравови и да се информирани што треба да направат.
- За да бидете помирни, можете во собата на детето да поставите бејби монитор.
