За воведувањето на жолчката во исхраната на бебето, постојат различни ставови, но сите се согласуваат дека е тоа долготраен процес кој трае 3-4 недели, оти жолчката е категоризирана како висок алерген и се воведува постапно.
Таа мора да се воведе во исхраната до првиот роденден на детето, бидејќи во тоа време бебето треба да прими вакцина на основа на жолчка, па ако детето е алергично на жолчка, кон таа вакцинација се постапува поинаку.
Жолчката се воведува во осмиот месец од животот на бебето и се воведува постепено.
Прво, три дена се дава една осмина од жолчката, па се прави неколку дена пауза, па потоа три дена се дава една четвртина, па повторно пауза, па три дена се дава по половина жолчка, и на крајот, три дена на детето му се дава цела жолчка.
За цело време на воведувањето, како и при воведувањето на останатите намирници, се следи дали се појавуваат некои алергиски реакции кај бебето, во вид на осип на кожата и слузокожата, пролив, повраќање, црвенило, гушење и слично.
Секако, доколку забележите било каква алергиска реакција, веднаш треба да се престане со давање на таквиот оброк со жолчка.
Препорачливо е јајцето пред варење да се измие и да се остави да врие 10 минути, додека жолчката не биде тврдо варена. Меко варена, течна и свежа жолчка е опасно да им се дава на бебиња, но и на мали деца.
Кога се воведува, жолчката се дава наизменично со месо (значи не во во ист оброк и не во ист ден), како и наизменично со мешунки (грашок, грав и слично).
Цело јајце се воведува по првата година од животот на детето, но за се консултирајте се со вашиот матичен педијатар.
