Бруксизам е медицински термин за чкртање заби или стегање на вилицата и не е невообичаено кај децата. Истражувањата покажуваат дека дури три од десет деца чкртаат со забите и кај повеќето деца тоа ќе помине само по себе.
„Чкртањето заби (бруксизам) кај децата во сон не е толку ретка појава и е почеста ноќе отколку во текот на денот. Најчесто се јавува во периодот на никнување на млечните и трајни заби. Некои деца чкртаат само кус период, а во повеќето случаи престанува со никнувањето на трајните заби.“ вели д-р Ивана Цекиќ.
Кои се причините за бруксизам (чкртање заби)?
Не постои само една јасна причина зошто се јавува бруксизам. Во некои случаи, горните и долните заби не се правилно порамнети.
Децата може да чкртаат со забите поради неколку причини, вклучувајќи:
- забите не се правилно поставени
- болка, како што е болка во увото или никнување на забите
- стрес; на пример, од грижа за тест или промена во рутината. Дури и расправија со родителите, браќата и сестрите може да предизвика доволно стрес за да предизвика чкртање на забите или стегање на вилицата.
- медицински причини, како што се хиперактивност, церебрална парализа или одредени видови лекови
Како се дијагностицира бруксизмот?
Многу деца кои чкртаат заби не знаат дека го прават тоа. Честопати родителите или браќата и сестрите го забележуваат проблемот.
Некои знаци на кои треба да внимавате:
- чкртање додека детето спие
- жалење на болна вилица или лице по утринско будење
- болка при џвакање
Ако мислите дека вашето дете ги чкрта забите, посетете стоматолог кој ќе ги провери забите, глеѓта и невообичаено абење и ќе ги испрска со воздух и вода за да провери дали се чувствителни.
