Некои родители строго внимаваат на часовникот и нивните деца мора да бидат во кревет во точно одредено време. Од друга страба, има родители кои воопшто не се заморуваат со распоредот за спиење. Што функционира за едно семејство, не значи дека ќе функционира за друго, а со оглед дека е на родителите да одлучат во кое време нивните деца ќе легнат да спијат во зависност од животниот стил, не постои “погрешно“ време за одење во кревет.
Нема места за осуда, но секогаш може да се направат некакви претпоставки, исклучиво заради забава. Прочитајте што времето на легнување во кревет на детето зборува за вас:
Ако детето легнува да спие во 18 часот или порано
Вие сте веројатно најпрецизниот тип на родител. Некои би ве нарекле поинаку, но всушност ви завидуваат. Кога велите дека ручекот ќе биде во 14:15 часот, навистина мислите на 14:15 часот. Веројатно имате добри заштеди, бидејќи секогаш добро планирате и организирате сè. Немате проблем да ја гледате омилената серија која започнува во 20:00 часот, бидејќи вашето малечко дотогаш е во длабок сон, а вие сте направиле се друго. Повеќето од нас веројатно имаат што да научат од вас.
Ако детето оди да спие помеѓу 19 и 20 часот
Вие сте тој родител кој ги брои минутите. Вие исто така веројатно не сте ТВ родител и вашите деца мислат дека јогуртот е сладолед. Вие сте утринска личност и се будите од мирисот на силно кафе, а вашите деца никогаш не доцнат на училиште.
Ако детето легнува во кревет помеѓу 20 и 21 часот
Вие сте тип на оние вродени родители. Пуштате смирувачка музика кога е време за спиење и можеби сè уште го доите постаро дете додека го заспивате. Не се грижите за ситниците. Вашето дете е едноставно природно подготвено за спиење околу 20:30 часот. Се чини дека имате сè под контрола, но на оној начин без напор.
Ако детето си легнува помеѓу 21 и 23 часот
Вие сте либерален родител и вашето семејство често ужива во нарачаната храна бидејќи никој не е голем љубител на готвењето. Вашите деца дури гледаат некои серии со вас и кај вас го нема она “не можете да го јадете тоа затоа што е доцна“. Секое дете ќе сака да преспие во вашиот дом.
Ако детето оди да спие после 23 часот
Кај вас се е спонтано и кај вас се поминува. Не се заморувате со работи како време за спиење, бидејќи денес и утре вашето дете ќе заспие околу 23 часот, а задутре можеби околу 21 часот. Дали воопшто е важно?
