Ники Јуркуц, медицинска сестра која им дава совети на родителите преку страницата на Инстаграм Tiny Hearts Education, предупреди на можен сериозен здравствен проблем кај бебињата, на кој многумина не обрнуваат внимание.
Доколку ситуацијата е загрижувачка, покрај испакнатата фонтанела, може да се јави и треска, поспаност и раздразливост
Таа објави две фотографии од глава на петмесечно бебе, барајќи од следбениците да се обидат да ја најдат разликата. На првата фотографија главата на бебето изгледа нормално, додека на втората нејзината фонтанела е испакната, што може да укажува на можен проблем.
„Испакната фонтанела бара итна медицинска евалуација“, рече таа, појаснувајќи дека го користела примерот на бебе кое имало температура од 38,3 степени Целзиусови.
„Родителите ја забележале испакната фонтанела и отишле веднаш на лекар. На детето му биле дадени лекови и му била дијагностицирана поствирусна транзиторна испакната фонтанела, за која малку родители знаат. До испакнување на фонтанелата доаѓа кога се акумулира течност во мозокот или кога мозокот отекува. Понекогаш состојбата е привремена, на пример кога детето лежи, плаче или повраќа и не е причина за загриженост, но ако потрае, одете кај најблискиот лекар“, додаде таа.
Доколку ситуацијата е загрижувачка, покрај испакнатата фонтанела, може да се јави и треска, поспаност и раздразливост, тврди Јуркуц.
„Вообичаените причини за испакната фонтанела вклучуваат менингококна, сериозна инфекција и крвавење во мозокот“, објасни таа.
