Анемијата или недостатокот на железо во организмот е многу чест проблем и може да биде особено ризичен за време на бременоста. Од друга страна, бремените жени често имаат пониско ниво на железо, како и доилките, бидејќи токму тоа се периоди кога телото има зголемена потреба од железо.
Токму затоа треба да се обрне посебно внимание на нивото на железо во организмот во овие периоди, а еве зошто анемијата е особено опасна за трудниците.
Анемија во бременоста
Некои од факторите кои придонесуваат за развој на анемија за време на бременоста се кратки интервали помеѓу бременост односно породување, повеќеплодна бременост, неизбалансирана исхрана.
Најризични, во овој контекст, се вториот и третиот триместар од бременоста, кога фетусот расте, плацентата е веќе во голема мера формирана, се создаваат црвени крвни зрнца и телото на мајката не може да се избори со големите потреби за железо.
Трудниците кои имаат анемија за време на бременоста и во текот на породувањето може да дојде до некои компликации, како што се поголем ризик од спонтан абортус, крварење за време на породувањето и слично, бидејќи недостатокот на железо влијае и на мајката и на бебето.
Симптоми на анемија во бременоста
Доколку нема доволно железо во ткивата на телото, тоа е сидеропениски синдром, што доведува до намалена активност на многу ензими и недоволно кислород во ткивата – анемиски синдром. И двете овие состојби имаат свои симптоми.
Симптоми на сидеропениски синдром:
- Сува кожа која се првута, мали пукнатини во аглите на устата
- Промени на ноктите (се кршат, меки се, се појавуваат испакнатини на ноктите)
- Проблеми со косата (краевите се листаат, може да се појави алопеција, пррана појава на бели влакна)
- Мускулна слабост и замор
- Потребата од необични мириси – лак за нокти, бои…
- Желба за „чудни“ вкусови, како што е потреба трудницата да јаде креда, некоја сурова храна, глина…
- Симптом на сина склера – кога белката на окото добива синкава нијанса, во некои случаи сива или виолетова
- Потешкотии при голтање, особено сува храна
Симптоми на анемиски синдром:
- Слабост, поспаност, главоболка, вртоглавица
- Брзо заморување
- Губење на апетит
- Бледа кожа
- Треперење пред очите
- Ѕвонење во ушите
За да се утврди дали нивото на железо во крвта е ниско, се прави тест на крвта со кој лесно може да се дијагностицира анемија, која успешно се лекува со препишани суплементи.
