Многу непријатни симптоми ја следат бременоста, но некои од нив се аларм да побарате лекарска помош.
- Крварењето е прв знак. Слабото крварење е вообичаено за раната бременост, но треба да се обрне внимание оти може да значи вонматерична бременост или спонатн абортус. Во третото тромесечие, крварење проследено со болка во стомакот, може да значи и одвојување на постелката.
- Лажните трудови се неритмички и непредвидливи, а правите трудови болки се регуларни и им се зголемува интензитетот. Ако не сте сигурни, веднаш јавете се на лекар.
Знак за аларм е и кога движењата на бебето се значајно намалени. Прво обидете се да се напиете нешто студено, да изедете нешто слатко и да легнете на страна. Ако бебето не се мрда, не се колебајте да повикате лекар.
- Силна и изненадна главоболка со двојна слика, севање пред очите, стомачни болки и отекување, може да бидат знак за прееклампсија. Оваа состојба е многу опасна и за мајката и за бебето, па симптомите задолжително нотирајте ги при следниот преглед кај вашиот гинеколог.
- Ако почувствувате течење на течност низ нозете, може да станува збор за плодова вода, но може да биде и знак дека бебето само го притиснало мочниот меур. Консултирајте со гинекологот ако не сте сигурни.
Ако пак имате проблеми со пресилни мачнини, поради кои не можете да здржите храна и течности, може да дојде до дехидрација. Побарајте совет за исхраната и евентуални лекарства.
- Постојаното чешање може да биде знак не само на растегнување на кожата, туку и на трудничка холестаза, односно пореметување на функцијата на црниот дроб, и немојте да го игнорирате.
- И симптомите како температура, кашлица, болка во грлото, пролив, повраќање треба да се пријават кај лекар, оти исто така може да доведат до дехидрација и да му наштетат на детето.
