Она што е многу важно за секоја трудница е тоа да доколку дојде до силни болки се јави веднаш на лекар. Тој на ултразвук ќе утврди дали постојат некои аномалии и на основ на тоа ќе предложи терапија.
Не земајте сами лекови на своја рака, тоа во бременоста е најстрого забрането.
За почеток не паничете! Болките во раната бременост се вообичаена работа и не мора да значи дека ќе бидат опасни. Болките може да се јават како во горниот, така и во долниот дел на стомакот, па околу папокот итн.
- Во првите три месеци на бременоста, матката кај жената се шири и на тој начин прави место за бебето кое набрзо ќе стане се поголемо. Со ширење, матката ги притиска останатите органи како што се бубрези, јајчници, мочен меур, а се случува да боли и грбот.
- До болки во грбот може да дојде и во тек на односи со партнерот, но без грижа. Односите се доволени и водењето љубов не предизвикува последици по бременоста, и се избегнува само ако постојат некои други проблеми со бременоста.
- Можеби најмногу ќе ве нервираат промените во мочниот меур, оти се јавува честа потреба за уринирање, со чувство на недоволно празнење.
- Болките во желудникот најчесто се јавуваат ако трудницата прекумерно повраќа. Иако повраќањето во бременост е нормална појава, не смее да повраќате повеќе од 4-5 пати дневно.
