Коронавирусот, алергиите и воспалението на синуси може да имаат слични симптоми и тешко да се разликуваат.
Важно е навреме да се забележат и препознаат симптомите, за да може што побрзо да се изолирате и да ги заштитите другите доколку навистина се работи за Ковид-19.
- Симптомите на синусна инфекција може да бидат слични на оние на инфекција со коронавирус. Тие вклучуваат течење на носот, затнат нос, болки во грлото и температура. Но, за среќа, постојат и симптоми по кои може да се разликува синусна инфекција од инфекција со коронавирус
Имено, при воспаление на синусите (синузитис), исто така може да се појави и забоболка, болка во синусите – поточно јаболчниците, помеѓу очите и врвот на челото, потоа лош здив, секрет од носот со различни бои, слевање на секрет низ грлото. Ако имате комбинација од болка во синусите, течење на носот и затнат нос, речиси е сигурно дека имате синусна инфекција, а не коронавирус.
Меѓутоа, ако забележите симптоми како што се болки низ целото тело, болки во градите, дијареја, повраќање и гадење и потешкотии со дишењето, изолирајте се и јавете се на лекар бидејќи може да се работи за коронавирус.
Покрај тоа, симптомите на синусна инфекција се појавуваат одеднаш, додека симптомите на коронавирус се развиваат во текот на 2-14 дена од инфекцијата. Синусните инфекции се почести во поладните месеци и после прележување на грип, додека со коронавирус може да се заразите преку целата година, пишува „Times of India“.
